အခင်းဖြစ်ပွားမှုအမျိုးအစား

အိမ်တွင်းအကြမ်းဖက် ချိုးဖောက်မှုနှင့် လူသတ်ကြံစည်မှု

အခင်းဖြစ်ပွားသည့်နေ့ရက်

မေလ-သြဂုတ်လ ၂၀၁၇ ခုနှစ်

အခင်းဖြစ်ပွားသည့်နေရာ (ကျေးရွာ၊ မြို့နယ်၊ ခရိုင်)

ဘ---ရွာ၊ ဒူးပလယ်အိုကလိုခိုဒေသ၊ တနင်္သာရီမြို့နယ်၊ မြိတ်-ထားဝယ်ခရိုင်  

စော်ကားခံရသူ(ရာဇဝတ်မှုကျူးလွန်ခံရသူ)၏ ကိုယ်ရေးအကြောင်းအရာအပြည့်အစုံ

အမည်

နော်အ--- 

အသက်

၅၃

ကျား/မ

မ

လူမျိုး

ကရင်

မိသားစုရှိ/မရှိ

ရှိ

အလုပ်အကိုင်

လယ်ယာ

ကိုးကွယ်သည့် ဘာသာ

ခရစ်ယာန်

ရာထူးအဆင့်

ရွာသား

နေရပ် ရွာအမည်

ဘ--- ရွာ

ပြစ်မှုကျူးလွန်သူ၏ကိုယ်ရေးအကြောင်းအရာအပြည့်အစုံ

အမည်

ရာထူး

စစ်ကြောင်း၊တပ်ရင်း၊တပ်မ

အခြေစိုက်သည့်နေရာဒေသ

အထက်အရာရှိ အမည်

စောကျော်ဝင်း

ရွာသား

-

ဘ---ရွာ

-

(၁) ဤသတင်းအချက်အလက်မှတ်တမ်းပြုစုပုံတစ်ဆင့်ချင်းကို ရှင်းပြပါ။

နော်အ--- ၏သားဖြစ်သော စိတ်ကြွဆေးပြား (ယာဘ) နှင့် ရေခဲစိတ်ကြွဆေးကို သုံးစွဲသူ စောကျော်ဝင်းသည် အိမ်ပစ္စည်းများကို ဖျက်ဆီးပြီး နော်အ--- အား သတ်ဖြတ်ရန် ကြိုးစားခဲ့ကြောင်းကို နော်အေ--- မှ တင်ပြခဲ့သည်။ ထိုမှုခင်းဖြစ်ပွားခဲ့ပြီးသည့်နောက်တွင် နော်အ--- သည် သူမ၏သားထံမှ ထွက်ပြေးလွတ်မြောက်ခဲ့ပြီး တနင်္သာရီမြို့နယ် KNU ရဲအရာရှိများထံ အဖြစ်အပျက်များကို သွားရောက် တိုင်တန်းခဲ့သည်။ ထို့နောက် KNU ရဲများသည် စောကျော်ဝင်းကို ဖမ်းဆီးခဲ့သည်။ ကျွန်တော် [KHRG ကွင်းဆင်းလုပ်သား] သည် ခံစားရသူ နော်အ--- ထံမှလည်း သတင်းအချက်အလက်များကို ကိုယ်တိုင် သွားရောက်စုစည်းခဲ့သည်။ 

(၂) ဤသတင်းကိုပေးသောသူတို့သည် ဤသတင်းအချက်အလက်များမှန်ကန်ကြောင်း မည်သို့ဖော်ပြ လိုပါသနည်း။ ၄င်းတို့တစ်ဦးချင်းစီ၏ ရှင်းပြချက်(များကို) ရေးမှတ်ပေးပါ။

စောကျော်ဝင်း၏အမေဖြစ်သူ [နော်အ---] သည် မြိတ်-ထားဝယ်ခရိုင်၊ တနင်္သာရီမြို့နယ်ရှိ KNU ရဲအရာရှိများထံသို့ ဤအမှုကို သွားရောက်တိုင်ကြားခဲ့ပြီး ၎င်း၏သားကို သူ၏အမှားများမှ သင်ခန်းစာယူရန်နှင့် သူမကို ညှင်းပမ်းနှိပ်စက်ခြင်းမှ ရပ်တန့်ရန် သူမ၏သားကို ဖမ်းဆီးပေးရန် အတွက် ရဲအရာရှိများကို သူမကိုယ်တိုင် ပြောကြားခဲ့သည်။ စောကျော်ဝင်းသည် သူ၏ [စိတ်ကျန်းမာရေး] အခြေအနေ သက်သာသွားမည်ဆိုပါက KNU ရဲစခန်းမှ ပြန်လွတ်လာနိုင်ကြောင်း သိရသည်။

အခင်းဖြစ်ပွားပုံ အသေးစိတ်ကို ပြည့်စုံစွာ ရေးသားဖော်ပြပေးပါ။

နော်အ--- သည် စောကျော်ဝင်း၏ မိခင်ဖြစ်သည်။ လွန်ခဲ့သော သုံးနှစ်တွင် သူမ၏သားသည် ထိုင်းနိုင်ငံသို့ သွားရောက်နေထိုင်ခဲ့သည်။ စောကျော်ဝင်းသည် ၎င်း၏ရွာကို ပြန်လည်ရောက်ရှိခဲ့ပြီးသည့်နောက်တွင် ၎င်း၏ သူငယ်ချင်း အပေါင်းအဖော်များနှင့်အတူ စိတ်ကြွဆေးပြား (ယာဘ) နှင့် ရေခဲစိတ်ကြွဆေးကို  သုံးစွဲခဲ့သည်။ ထိုစိတ်ကြွဆေးများကို သုံးပြီးသော အခါတိုင်းတွင် သူသည် မိမိကိုယ်ကို စိတ်မထိန်းနိုင်တော့ပဲ လုပ်ချင်သောအရာမှန်သမျှကို ထင်ရာစိုင်းတတ်သည်။ ရေခဲစိတ်ကြွဆေးသည် စိတ်ကြွဆေးပြား (ယာဘ) ထက် ပို၍ ပြင်းထန်သည်။

စောကျော်ဝင်းသည် ၎င်း၏အပေါင်းအဖော်များနှင့်အတူ စိတ်ကြွဆေးပြားများကို ပုံမှန်သုံးစွဲလေ့ရှိပြီး အရာအားလုံးကို မေ့လျောပြီး ရူးသွပ်သွားသည်အထိ သုံးစွဲလေ့ရှိသည်။ ထို့ကြောင့် သူ၏ အမေ၊ ညီကိုမောင်နှမများနှင့် အမြဲတမ်း ရန်ဖြစ်စကားများလေ့ရှိသည်။ ထိုအချိန်တွင် သူတို့သည် စောကျော်ဝင်းနှင့် လွတ်ရာကို မကြာခဏ ထွက်ပြေးခဲ့ကြရသည်။ စောကျော်ဝင်းသည် အိမ်တွင်းအကြမ်းဖက် ချိုးဖောက်မှု ကျူးလွန်ရာတွင် တီဗီ၊ အဝတ်ဗီရို၊ ၎င်းအမေ၏အဝတ်အစား များနှင့် ရေးချိုးခန်းများ စသည်တို့ကို ဖျက်ဆီးခဲ့သည်။ ထို့အပြင် အိမ်တိုင်များကိုလည်းဖျက် စီးခဲ့သည်။ သူ့အမေ၏နွားများကို ခွင့်ပြုချက်မယူပဲ နွားတစ်ကောင်ကို ၁၅၀,၀၀၀ ကျပ်ဖြင့်ရောင်းခဲ့ပြီး သူ့အမေပိုင်ဆိုင်သော စက်လှေတစ်စီးတွင်အသုံးပြုသော မော်တာတစ်လုံးကိုလည်း ရောင်းစားခဲ့သည်။ စောကျော်ဝင်းသည် သူ၏ အမေကို သတ်ရန် ကြံစည်ခဲ့ပြီးနောက်တွင် သူ၏အမေသည် သူမ၏နေအိမ်တွင် နေထိုင်ပါက လုံခြုံသည်ဟု မခံစားရတော့သည့် အတွက်ကြောင့် သူမ၏မောင်နှမများနေအိမ်သို့ သွားရောက်ရွှေ့ပြောင်းနေထိုင်ခဲ့သည်။ ထို့နောက် သူမသည် ဤအခက်အခဲပြဿနာများကို မိမိတစ်ဦးတည်း မကျော်လွှားနိုင်သောကြောင့် တနင်္သာရီမြို့နယ် KNU ရဲအရာရှိများထံ တိုင်ကြားခဲ့သည်။ 

သူမ၏တိုင်တန်းမှုများကို နားထောင်ပြီးသောနောက်တွင် KNU ရဲများသည် စောကျော်ဝင်းကို ဖမ်းဆီးရန် ၂၀၁၇ ခုနှစ် သြဂုတ်လ ၁ ရက်နေ့တွင် စောကျော်ဝင်းနေထိုင်သော နေအိမ်သို့ သွားရောက်ခဲ့သော်လည်း ထိုနေ့တွင် သူသည် တောထဲရှိ သူ၏သူငယ်ချင်းနေအိမ်တွင် ရှိနေခဲ့သည်။ KNU ရဲများသည် စောကျော်ဝင်းကို ၂၀၁၇ ခုနှစ် သြဂုတ်လ ၂ ရက် ညသန်းခေါင်ယံချိန်တွင် သူ၏သူငယ်ချင်းနေအိမ်နှင့်နီးသော ကမားလိုချောင်းဖျားတွင် ဖမ်းဆီးခဲ့သည်။ KNU ရဲများသည် စောကျော်ဝင်းကို ၂၀၁၇ ခုနှစ် သြဂုတ်လ ၃ ရက်နေ့ ညနေ ၅းဝ၀ နာရီအချိန်တွင် ဘ--- ရွာမှ ရဲစခန်းသို့ ခေါ်ဆောင်လာခဲ့သည်။ ၎င်းကို ရဲစခန်းရှိ အချုပ်ခန်းထဲတွင် ချုပ်နှောင်ထားသည်။  သို့သော် KNU ရဲအရာရှိများက စောကျော်ဝင်း၏ အမှုတွင် ထောင်ဒါဏ် မည်မျှ ကျခံရမည်နှင့် ပတ်သက်ပြီး အမိန့်ချမှတ်ခြင်း မရှိသေးချေ။ တနင်္သာရီမြို့နယ်ရဲမှူး စောခ--- ၏ အဆိုအရ “ဤအမှုနဲ့ပတ်သက်လို့ စောကျော်ဝင်းဟာ အနည်းဆုံး သုံးနှစ် ထောင်ကျရမယ်။” [တနင်္သာရီမြို့နယ် KNU] တရားသူကြီး ပဒို စောဒ--- မှ ဤ အမှုကို ကိုင်တွယ်ထားသည်။ 

ရွာသားသို့မဟုတ် လူ့အခွင့်အရေးချိုးဖောက်ခံရသူသည် ဤသတင်းကိုအသုံးပြုရန်ခွင့်ပြုပါသလား။ မည်ကဲ့ သို့သောနည်းလမ်းဖြင့် အသုံးပြုခွင့်ပေးသည်ကိုဖော်ပြပေးပါ။

ခံစားရသူမှ ဤအချက်အလက်နှင့်တကွ အတူပါလာသော ဓါတ်ပုံများကိုပါ [KHRG] ကို အသုံးပြုခွင့်ပေးရန် ခွင့်ပြုချက်ပေးသည်။