အခင်းဖြစ်ပွားမှုအမျိုးအစား

ယာဉ်တိုက်မှု

အခင်းဖြစ်ပွားသည့်နေ့ရက်

၂၀၁ရခုနှစ်၊ ဇူလိုင်လ၊ ၇ ရက်

အခင်းဖြစ်ပွားသည့်နေရာ (ကျေးရွာ၊ မြို့နယ်၊ ခရိုင်)

တောင်ငူခရိုင်၊ သံတောင်ကြီးမြို့နယ်၊ သံတောင်ကြီးမြို့နှင့် အ--- ရွာ အကြားရှိ ကားလမ်းမလမ်းခွ  

စော်ကားခံရသူ(ရာဇဝတ်မှုကျူးလွန်ခံရသူ)၏ ကိုယ်ရေးအကြောင်းအရာအပြည့်အစုံ

အမည်

နော်ဝ--- 

အသက်

၅၂ နှစ်

ကျား/မ

မ

လူမျိုး

ကရင်

မိသားစုရှိ/မရှိ

ရှိ

အလုပ်အကိုင်

ဥယျာဥ်ခြံ

ကိုးကွယ်သည့် ဘာသာ

ခရစ်ယာန်

ရာထူးအဆင့်

ရွာသား

နေရပ် ရွာအမည်

ဒူးပလာယာခရိုင်၊ ကရူတူးမြို့နယ်၊ ဘ--- အုပ်စု၊ အ--- ရွာ

ပြစ်မှုကျူးလွန်သူ၏ကိုယ်ရေးအကြောင်းအရာအပြည့်အစုံ

အမည်

ရာထူး

စစ်ကြောင်း၊တပ်ရင်း၊တပ်မ

အခြေစိုက်သည့်နေရာဒေသ

အထက်အရာရှိ အမည်

အောင်မင်းနိုင်

ဒုတပ်ကြပ်

ဘုရင့်နောင် တိုက်ခိုက်ရေးကျောင်း

သံတောင်ကြီးမြို့နယ်၊ ဘုရင့်နောင်လေ့ကျင့်ရေးကျောင်း

ဗိုလ်ချုပ်စိုးတင့်နိုင်

(၁) ဤသတင်းအချက်အလက်မှတ်တမ်းပြုစုပုံတစ်ဆင့်ချင်းကို ရှင်းပြပါ။

ဤသတင်းကို ရွာသားထံမှ သိရ၍ ထိခိုက်ဒဏ်ရာရရှိသူ ရွာသားများနှင့် သွားရောက်တွေ့ဆုံ၍ အ--- ရွာသို့ သွားရောက်ပြီး အင်တာဗျူး (တွေ့ဆုံမေးမြန်းခန်း) ပြုလုပ်ခဲ့ပါသည်။ 

(၂) ဤသတင်းကိုပေးသောသူတို့သည် ဤသတင်းအချက်အလက်များမှန်ကန်ကြောင်း မည်သို့ဖော်ပြ လိုပါသနည်း။ ၄င်းတို့တစ်ဦးချင်းစီ၏ ရှင်းပြချက်(များကို) ရေးမှတ်ပေးပါ။

ဤသတင်းကို ယာဉ်တိုက်မှုကြောင့် ဒဏ်ရာရရှိခဲ့သူတစ်ဦးက ကျွန်ုပ်အား ၎င်း၏ခံစားရမှုများကို ပြောပြခြင်းကြောင့် မှန်ကန်ပါသည်။

အခင်းဖြစ်ပွားပုံ အသေးစိတ်ကို ပြည့်စုံစွာ ရေးသားဖော်ပြပေးပါ။

၂၀၁ရခုနှစ်၊ ဇူလိုင်လ၊ ရရက်နေ့၌ တောင်ငူခရိုင်၊ သံတောင်ကြီးမြို့နယ်၊ အ--- ရွာနှင့် သံတောင်ကြီး လမ်းခွတွင် ယာဉ်တိုက်မှုတစ်ခုဖြစ်ပွားခဲ့ပါသည်။ ယင်းယာဉ်တိုက်မှုဖြစ်ပွားသည့် မော်တော်ကားမှာ ဘုရင့်နောင်တပ်မှ တပ်မတော် ဒုတပ်ကြပ်ရာထူးရှိသူအောင်မင်းနိုင်၏ကားဖြစ်သည်။ သို့သော် ယင်း ကားအား မောင်းနှင်လာသည့်သူသည် မည်သူမည်ဝါဆိုတာကို မသိရပါ။ ဤဒုတပ်ကြပ်အောင်မင်းနိုင် ၏ကားအား မဆင်မခြေ မောင်းနှင်လာသည့်သူ၏အပြုအမူကြောင့် ယာဉ်တိုက်မှုအခင်းဖြစ်ပွားခဲ့သည်။ အဆိုပါယာဉ်တိုက်မှုတွင် တစ်ဦးသေဆုံးပြီး (၈) ဦး ဒဏ်ရာရရှိခဲ့သည်။ ၎င်းဒဏ်ရရှိသူ (၈) ဦးအနက် အသက် ၅၂ နှစ်အရွယ်ရှိ နောဝ---ဆိုသူသည် ဘယ်ဖက်လက်ကျိုးပြီး ဘယ်ဖက်နံရိုးတစ်ချောင်းပါ ကျိုးသွားခဲ့သည်။ ဤသို့ဖြင့် ၂၀၁ရခုနှစ်၊ ဇူလိုင်လ၊ ရရက်နေ့တွင် ထိခိုက်ဒဏ်ရာရရှိသည့် သူများကို ဘုရင့်နောင်စစ်တပ်ဆေးရုံသို့ ပို့ဆောင်ခံရပြီး စစ်တပ်ဆေးရုံမှ ဓာတ်မှန်ရိုက်ပေးခဲ့သည်။ နော်ဝ---ကို ဓာတ်မှန်ရိုက်ပေးပြီး အဖြေထွက်ရာမှာ သူမ၏ဘယ်ဖက်လက်တစ်ဖက်ကျိုးသွားသည်ဟု ဆေးရုံဓာတ် မှန်ရိုက်ခန်းက ပြောပါသည်။ သို့သော် နော်ဝ---ကို ဆေးရုံတက်စရာမလို၊ ဘာမှမဖြစ်ဟု စစ်တပ်ဆေး ရုံကပြောပြီး သောက်ဆေးများနှင့် လက်ကိုပတ်တီးများဖြင့်သာစည်းပေး၍ နော်ဝ---အား အိမ်တွင် ပြန်ပြီးအနားယူရန် လွတ်လိုက်ပါသည်။  

စစ်တပ်ဆေးရုံမှပေးလိုက်သောဆေးမှာ အစာအိမ်သောက်ဆေးနှင့် ပါရာစီတမော့သာဖြစ်၍ ၁၀ ရက် ကြာလျှင် ပြန်လာပြပါဟု သူမကို ပြောခဲ့ပါသည်။ နော်ဝ---၏ ဒဏ်ရာသည် ပို၍နာကျင်လာပြီး တောင်ငူ ဆေးရုံသို့ သွားရောက်ပြသရာမှာ ဘုရင့်နောင်စစ်တပ်ဆေးရုံမှ ပေးသည့်ဆေးသည် လက်ရှိထိခိုက် သည့်ဒါဏ်ရာနှင့်မသက်ဆိုင်၍ မသောက်သုံးရန် တောင်ငူဆေးရုံမှ ဆရာဝန်နော်ရှားရိုဖောမှ ညွှန်ကြား ၍ ၎င်းစစ်တပ်ဆေးရုံမှပေးသည့်ဆေးကို မသောက်သုံးတော့ပဲ ထားခဲ့သည်ဟု နော်ဝ---က ပြောပါ သည်။ 

ဤယာဉ်တိုက်မှုနှင့်ပတ်သက်၍ ဒဏ်ရာရရှိခဲ့သည့် ရွာသားများကို ဘုရင့်နောင်စစ်တပ်ဆေးရုံသို့ ခေါ် သွားခဲ့သော်လည်း ဓါတ်မှန်ရိုက်ပေး၍ ဆေးရုံတက်စရာမလိုဟု ဆရာဝန်များကပြောပြီး ပြန်လွတ်လိုက် ပါသည်။ ၎င်းလူနာများက ဆေးရုံတက်ရမည်ဟုထင်ကာ အိပ်ယာလိပ်နှင့် လိုအပ်သည့် လူနာအသုံး ဆောင်ပစ္စည်းများကို တစ်ပါတည်းယူခဲ့ပြီး ဆေးရုံကလက်မခံ၍ ပြန်လာခဲ့ရပါသည်ဟု ဒါဏ်ရာရှိသူ နော်ဝ---က ပြောပါသည်။ [ဒုတပ်ကြပ်အောင်မင်းနိုင်မှ] ဆေးဖိုးဝါးခလည်းမပေး၊ တာဝန်ယူ ကုသပေး မှုလည်းမရှိကြောင်း ရွာသားများက ပြောပါသည်။

ရွာသားသို့မဟုတ် လူ့အခွင့်အရေးချိုးဖောက်ခံရသူသည် ဤသတင်းကိုအသုံးပြုရန်ခွင့်ပြုပါသလား။ မည်ကဲ့ သို့သောနည်းလမ်းဖြင့် အသုံးပြုခွင့်ပေးသည်ကိုဖော်ပြပေးပါ။

ဤသတင်းနှင့်ပတ်သက်၍ အမှန်တရားပေါ်ပေါက်ရန်နှင့်အများသိရှိပြီးပြုပြင်ပြောင်းလဲနိုင်ရန် အတွက် သတင်းကို အသုံးပြုနိုင်ပါသည်ဟု ကာယကံရှင်မှ ခွင့်ပြုချက်ပေးပါသည်။