တၢ်ကဲထီၣ်သးအကလုာ်

ကီၢ်ပယီၤပဒိၣ်သုးခးဝဲသဝီဖိခံဂၤအဃိ အဘၣ်ဒိနးနးကလဲာ်

တၢ်ကဲထီၣ်သးမုၢ်နံၤမုၢ်သီ

လါယနူၤအါရံၤ ၂သီႇ ၂ဝ၂ဝ နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီႇ ကရူၢ်ႇ ကီၢ်ဆၣ်ႇ ကီၢ်ရ့ၣ်)

အ--- သဝီႇ   လ့ဖိထၣ်ကရူၢ်ႇ  ဒွဲၣ်လိကီၢ်ဆၣ်ႇ  မုၢ်တြီၢ်ကီၢ်ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

စီၤဘ ---

စီၤစ---

သးနံၣ်

၆၃ နံၣ်

၆၀ နံၣ်

မုၣ်ခွါ 

ခွါ

ခွါ

ကလုာ်

ကညီ

ကညီ

ဟံၣ်ဖိဃီဖိ အိၣ် / တအိၣ်

အိၣ်

အိၣ်

 တၢ်ဖံးတၢ်မၤ

ပှၤထူစံာ်

ပှၤထူးစံာ်

တၢ်ဘူၣ်တၢ်ဘါ

ဘူးဒး

ဘူးဒး

တၢ်ဟံမူဒါ / လီၢ်လၤ

သ၀ီဖိ

သ၀ီဖိ

အိၣ်ဆိးဒူသဝီ 

အ---သဝီ, လ့ဖိထၣ်ကရူၢ်ႇ ဒွဲၣ်လိကီၢ်ဆၣ်ႇ မုၢ်တြီၢ်ကီၢ်ရ့ၣ်

အ---သဝီ, လ့ဖိထၣ်ကရူၢ်ႇ ဒွဲၣ်လိကီၢ်ဆၣ်ႇ မုၢ်တြီၢ်ကီၢ်ရ့ၣ်

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ        

လီၢ်လၤ

သုးကျိၤ / သုးရ့ၣ် / 
သုးတြိၤ

အိၣ်သူၣ်လီၤသးလီၢ်ကျဲ / သုးကလၢၤ 

အခိၣ်အမံၤဒီးလီၢ်လၤ

နီၤထိ

သုးခိၣ်ဒိၣ်ဖိ

သုးဝဲၤလီၢ်ခိၣ်သ့ၣ်နီၣ်ဂံၢ် (၈), ခီၣ်ချ့သုးရ့ၣ် နီၣ်ဂံၢ် (၄ဝ၈)

မီလိာ်ကျိသုးကလၢၤႇ ကမးမိၢ်သုးဝဲၤလီၢ်ခိၣ်သ့ၣ် နီၣ်ဂံၢ် (၁)သုးကလၢၤ

သုးရ့ၣ်ခိၣ်အီၣ်နဲၣ်ထိၣ်ႇ သုးခိၣ်ဒိၣ်စိ အီၣ်အီၣ်

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

ကညီဒီကလုာ်တၢ်ထူၣ်ဖျဲးသုးမုၢ်ဒိၣ် (KNLA)  သုးရ့ၣ် နီၣ်ဂံၢ် (၁ဝ၂), သုးဒ့ နီၣ်ဂံၢ် (၃) သုးခိၣ် စီၤဒ--- ဆဲးကျိးဝဲ ကညီဂ့ၢ်ဝီခွဲးယာ်ကရူၢ် (KHRG) ပျီပူၤၦၤမၤတၢ်ဖိတဂၤ ဒ်သိးကဒုးသ့ၣ်ညါအီၤဘၣ်ဃး တၢ်ကဲ ထီၣ်သးဖဲ လါယနူၤအါရံၤ ၂ သီႇ ၂ဝ၂ဝနံၣ် တဂီၤဝံၤအလီၢ်ခံန့ၣ်လီၤ. အဃိ KHRG ပျီပူၤၦၤမၤတၢ်ဖိတဂၤ လဲၤမၤတၢ်ထံၣ်လိာ်သံကွၢ်ဒီး ၦၤဘၣ်ဒိခံဂၤလၢအမ့ၢ် စီၤဘ--- ဒီးစီၤ စ--- ဖဲလါယနူၤအါရံၤ ၆ သီႇ ၂ဝ၂ဝနံၣ် ဃုာ်ဒီး စီၤယ--- ဒီးနီၢ်ဖ--- လၢအမ့ၢ် အ---သဝီဖိတဖၣ်လၢ အထံၣ်ထွဲသဝီဖိခံဂၤလၢ ပယီၤသုးခးဘၣ်ဒိအီၤဝံၤအလီၢ်ခံန့ၣ်လီၤ. ကီၢ်ပယီၤပဒိၣ်သုးတဖၣ်လၢ အခးအဝဲသ့ၣ်တဖၣ် မ့ၢ်အအိၣ်လၢ သုးရ့ၣ် မ့တမ့ၢ် သုးတြိၤဖဲလဲၣ်တဖုလဲၣ်န့ၣ် အဝဲသ့ၣ်တသ့ၣ်ညါဝဲဘၣ်. အဃိ KHRG ပျီပူၤၦၤမၤတၢ်ဖိတဂၤအံၤ လဲၤထံၣ်လိာ်တဲသကိးတၢ်ဒီးလီၢ်ကဝီၤ KNLA   သုးရ့ၣ်ခိၣ် ဒ်သိးကဒိးန့ၢ်ဘၣ် တၢ်ဂ့ၢ်တၢ်ကျိၤအံၤ အဂီၢ်န့ၣ်လီၤ.  KHRG ပျီပူၤၦၤမၤတၢ်ဖိတဂၤအံၤ သံကွၢ်သံဒိးဝဲ အ---သဝီသးၦၢ် စီၤဂ---, လၢအအိၣ် ဖဲတၢ်ကဲထီၣ်သးအဆၢကတီၢ်ဒီး မၤစၢၤဝဲဒၣ်ၦၤဘၣ်ဒိခံဂၤန့ၣ်လီၤ. တၢ်မၤသကိးတၢ်ကွၢ်ဟုၣ်ကွၢ်စူၣ်ကမံး တံာ် (JMC) ၦၤမၤတၢ်ဖိစီၤဟ--- လၢအမၤစၢၤဝဲဒၣ် ၦၤဘၣ်ဒိခံဂၤအံၤ ဖဲတၢ်ကဲထီၣ်သးအနံၤအဝဲန့ၣ် ဘၣ်တၢ်သံကွၢ်သံဒိးစ့ၢ်ကီးအီၤ ဘၣ်ဃးတၢ်ကဲထီၣ်သးတၢ်ဂ့ၢ်တၢ်ကျိၤလၢ လီတဲစိန့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢၦဲၤၦဲၤတက့ၢ်.

ဖဲလါယနူၤအါရံၤ ၂ သီႇ ၂ဝ၂ဝ နံၣ် ဂီၤခီ (၁ဝ) နၣ်ရံၣ် ဆၢကတီၢ်န့ၣ် တၢ်ဒုးကဲထီၣ်ဝဲလၢ ပယီၤသုးအသုးရ့ၣ် နီၣ်ဂံၢ် (၄ဝ၈) ဒီး KNLA  အသုးရ့ၣ်နီၣ်ဂံၢ် (၁ဝ၂) သုးဒ့ နီၣ်ဂံၢ်(၃) ဖဲအ---သဝီႇ လ့ဖိထၣ်ကရူၢ်ႇ ဒွဲၣ်လိကီၢ်ဆၣ်ႇ မုၢ်တြီၢ်ကီၢ်ရ့ၣ်အပူၤန့ၣ်လီၤ. တၢ်ဒုးအံၤကဲထီၣ်သးခီဖျိ ပယီၤသုးတဖၣ် လဲၤတလၢကွံာ် KNU တၢ်ပာ်ပနီၣ်အလီၢ် အါန့ၢ်အပျၢ်ယဲၢ်ဆံ အဃိန့ၣ်လီၤ. သဝီဖိလၢ ဘၣ်တၢ်မၤတၢ်ထံၣ် လိာ်သံကွၢ်တၢ်ဒီးအီၤသ့ၣ်တဖၣ် ပာ်ဖျါထီၣ်ဝဲလၢ ဖဲပယီၤသုးသ့ၣ်တဖၣ်နုာ်လီၤလၢ KNU တၢ်ပၢဟီၣ်ကဝီၤ ပူၤဃုာ်ဒီး သုးတၢ်ပီးတၢ်လီသ့ၣ်တဖၣ်အဆၢကတီၢ်န့ၣ် အဝဲသ့ၣ်တဒုးသ့ၣ်ညါဆိစ့ၢ်ကီးဝဲ လီၣ်ကဝီၤသဝီၤ သးၦၢ်ဘၣ်န့ၣ်လီၤ. အဝဲသ့ၣ်တဲစ့ၢ်ကီးဝဲလၢ တၢ်ဒုးကဲထီၣ်သးအံၤ မ့ၢ်တၢ်မၤဘၣ်ဒိဝဲ NCA တၢ်ဘျၢခိၣ် သ့ၣ်လၢ ကဘၣ်လူၤပိာ်မၤထွဲအီၤတဖၣ်န့ၣ်လီၤ.

တၢ်ဒုးကဲထီၣ်ဝံၤအလီၢ်ခံ ဖဲမုၢ်ဃ့ၢ်လီၤ (၁)နၣ်ရံၣ်ဆၢကတီၢ်န့ၣ် ကီၢ်ပယီၤပဒိၣ်သုးတဖၣ်ခးဝဲ စီၤဘ---ဒီး စီၤစ--- ခံဂၤလၢ အလဲၤခူၣ်လီၤၦၤသံဃုာ်ဒီးသဝီဖိအဂၤတဖၣ်န့ၣ်လီၤ. ပယီၤပဒိၣ်သုးခးကျိဒီး ဘၣ်ဝဲ စီၤဘ--- အကဟီးဃံတထံၣ်ဒီး အကပၤတထံၣ်န့ၣ်လီၤ. မ့မ့ၢ် စီၤစ---န့ၣ် ပယီၤပဒိၣ်သုးခးဘၣ် အကဟီးဃံဒီး ကျိချံဘၣ်ဖျိသဂၢၢ်တုၤလၢ အပျိၢ်ချၢန့ၣ်လီၤ. ကီၢ်ပယီၤပဒိၣ်သုးသ့ၣ်တဖၣ်အံၤ ခးဝဲသဝီဖိ သ့ၣ်တဖၣ်လိၤလိၤ ဖဲအဝဲသ့ၣ်လဲၤခူၣ်လီၤၦၤသံ ဆၢကတီၢ်န့ၣ်လီၤ. အါတက့ၢ် သဝီဖိတဖၣ် ဃ့ၢ်ပူၤဖျဲးကွံာ် အသးန့ၢ်ဝဲန့ၣ်လီၤ.  

ၦၤဘၣ်ဒိခံဂၤဒီး သဝီဖိအဂၤလၢ ဘၣ်တၢ်သံကွၢ်သံဒိးအီၤတဖၣ် တဲဝဲဒၣ်လၢ အဝဲသ့ၣ်ဒုးသ့ၣ်ညါဆိပာ်ဝဲ ကီၢ်ပယီၤပဒိၣ်သုးလၢ အကလဲၤခူၣ်လီၤၦၤသံအဂီၢ်န့ၣ်လီၤ. အဃိ ပယီၤပဒိၣ်သုးသ့ၣ်တဖၣ် ခးအဝဲသ့ၣ်အံၤ မ့ၢ်ဝဲတၢ်လုၢ်သ့ၣ်ခါပတာ် မၤကမၣ်ဝဲဒၣ် NCA ဒီး သဝီဖိတဖၣ်အခွဲးယာ် လၢအဝဲသ့ၣ်တၢ်မၤဝဲဒၣ် ကညီလုၢ်လၢ်ထူသနူတၢ်ရဲၣ်တၢ်ကျဲၤအပူၤန့ၣ်လီၤ. 

သဝီဖိခံဂၤဘၣ်ဒိဝံၤအလီၢ်ခံ သဝီဖိလၢအဂၤတဖၣ် ဟဲမၤစၢၤဝဲဒၣ်တဘျီဃီဒီး  ဆှၢအဝဲသ့ၣ်ဆူတၢ်ဆါဟံၣ် လၢ ဟါလီၤခီအဆၢကတီၢ်န့ၣ်လီၤ. စီၤဟ---လၢအမၤတၢ်လၢ  JMC တဂၤန့ၣ် ဟဲမၤစၢၤသဝီဖိလၢ အဘၣ်ဒိခံဂၤအံၤန့ၣ်ဒီး ဆှၢအဝဲသ့ၣ်လၢ ကမးမိၢ်တၢ်ဆါဟံၣ်န့ၣ်လီၤ. ခီဖျိလၢအဝဲသ့ၣ်ခံဂၤ ဘၣ်ဒိနးနးက လဲာ်အဃိ စီၤဟ--- ဒိးလဲ(ငှား)န့ၢ်သိလ့ၣ်တခိၣ် လၢကလဲၤဆှၢအဝဲသ့ၣ်ခံဂၤဆူ ဖၣ်အၣ်တၢ်ဆါဟံၣ်န့ၣ်လီၤ. 

ကီၢ်ပယီၤပဒိၣ်သုးသ့ၣ်တဖၣ်အံၤ အိိၣ်လၢသုးရ့ၣ် မ့တမ့ၢ် သုးတြိၤဖဲလဲၣ်န့ၣ် ၦၤဘၣ်ဒိခံဂၤအံၤ တသ့ၣ်ညါ ဝဲဒၣ်ဘၣ်. ဘၣ်ဆၣ် လၢခံ တၢ်ထံၣ်လိာ်သံကွၢ်သံဒိး KNLA  သုးဒ့နီၣ်ဂံၢ် (၃) သုးရ့ၣ်ခိၣ်ဒီး စီၤဟ--- သ့ၣ်တဖၣ်အံၤဒီး အဝဲသ့ၣ်ပာ်ဖျါထီၣ်ဝဲလၢ ဖဲတၢ်ကဲထီၣ်သးအဆၢကတီၢ် သုးရ့ၣ်ခိၣ် အီၣ်နဲၣ်ထိန့ၣ် လဲၤဝဲဒၣ်လၢ ကၠီၤကလိၣ် (ၦဲၤဝၣ်မုၢ် မုၢ်ထီၣ်တခီ) အဃိ ၦၤလၢအဟံးန့ၢ်မူဒါဖဲန့ၣ်အဆၢကတီၢ်တခီမ့ၢ်ဝဲ သုးရ့ၣ်ခိၣ်ခံနီၤထိ န့ၣ်လီၤ. 
 

ၦၤသဝီဖိလၢအဘၣ်ဒိခံဂၤအံၤတဲဝဲလၢ ပယီၤသုးလၢခးအီၤတဖၣ်န့ၣ် တမၤစၢၤအဝဲသ့ၣ်ဒီး တဟ့ၣ်အဝဲသ့ၣ် စ့အီၣ်လိးလၢ ကသံၣ်ကသီၦ့ၤအဂီၢ် နီတမံၤဘၣ်. ဘၣ်ဆၣ် JMC ၦၤမၤတၢ်ဖိ စီၤဟ---ဟ့ၣ်မၤစၢၤ အဝဲသ့ၣ်စ့တဂၤန့ၣ် ၅ဝႇဝဝဝ ကၠးႇ ကမးမိၢ်ကီၢ်ဆၣ်ခိၣ် ဟ့ၣ်အဝဲသ့ၣ်စ့တဂၤန့ၣ် ၅ဝႇဝဝဝကၠးႇ ဒီး ကမးမိၢ်ဆူၣ်ချ့သရၣ်မုၣ် ဟ့ၣ်စ့ၢ်ကီးအဝဲသ့ၣ်စ့တဂၤန့ၣ် ၅ဝႇဝဝဝကၠး န့ၣ်လီၤ. ၦၤဟ့ၣ်အဝဲသ့ၣ်စ့ တၢ်ဆီၣ်ထွဲမၤစၢၤဘၣ်ဆၣ် တလၢတလီၣ်လၢ ကဟ့ၣ်ကသံၣ်ကသီတၢ်လၢၤဘူၣ်လၢၤစ့ၤၦ့ၤဘၣ်အဃိ အဝဲ သ့ၣ်ဘၣ်ဟံးလိၢ်စ့လၢ သဝီဖိအဂၤတဖၣ်အိၣ်န့ၣ်လီၤ. လၢတၢ်ကူစါယါဘျါသးအဂီၢ် အဝဲသ့ၣ်ကဘၣ်လဲၤ ဒုးနဲၣ်ဒံးအသးလၢ တၢ်ဆါဟံၣ်အဃိ တၢ်လၢာ်ဘူၣ်လၢာ်စ့ၤကအိၣ်ထဲလဲၣ်န့ၣ် တသ့ၣ်ညါဝဲလီၤတံၢ်ဒံးဘၣ်န့ၣ်လီၤ.

သဝီဖိတဖၣ် ကဒီသဒၢလီၤအနီၢ်ကစၢ်အသးလၢ တၢ်မၤဘၣ်ဒိၦၤဂ့ၢ်ဝီခွဲးယာ် ဒ်အံၤသ့ၣ်တဖၣ်အံၤအဂီၢ် အဝဲသ့ၣ် တၢ်တြီဆၢအကျိၤအကျဲ တအိၣ်နီမံၤဘၣ်န့ၣ်လီၤ.

စီၤဘ---ဟ့ၣ်တၢ်ပျဲလၢ KHRG ကသူဝဲတၢ်ဂ့ၢ်တၢ်ကျိၤသ့ၣ်တဖၣ်အံၤလီၤ. ၦၤမ့ဟ့ၣ်မၤစၢၤအဝဲသ့ၣ် တၢ်လဲၤတၢ်က့ၤအပှ့ၤ တဂၤဂၤန့ၣ် အဝဲကလဲၤဆူကွီၢ်ဘျီၣ်လၢ တၢ်ဟ့ၣ်တၢ်အုၣ်ကီၤအဂီၢ်န့ၣ်လီၤ. စီၤစ--- စ့ၢ်ကီး ဟ့ၣ်တၢ်ပျဲလၢ KHRG ကသူဝဲတၢ်ဂ့ၢ်တၢ်ကျိၤလၢ အဝဲဟ့ၣ်ဝဲတဖၣ်န့ၣ်လီၤ. ပသူတၢ်ဂ့ၢ်တၢ်ကျိၤသ့ၣ် တဖၣ်အံၤ လၢတၢ်ရၤလီၤအဂီၢ် သ့စ့ၢ်ကီးန့ၣ်လီၤ.