မုၢ်တြီၢ်ကီၢ်ရ့ၣ် တၢ်ကဲထီၣ်သးတၢ်ပာ်ဖျါ- ကီၢ်ပယီၤသုးအကဘီယူၤခးလီၤတၢ်အဃိ ဘၣ်သံသဝီဖိ သးနံၣ် (၄) နံၣ်တဂၤ, ဘၣ်ဒိ (၁၂) ဂၤ ပၣ်ဃုာ်ဒီး ဖိသၣ် (၂) ဂၤ ဒီး ဒုးအိၣ်ထီၣ်တၢ်ဘၣ်ဃ့ၢ်အိၣ်ကမှံ ဖဲဘုသိၣ်ကီၢ်ဆၣ် (လါဒံၣ်စဲဘၢၣ် ၂၀၂၅)

(၁) တပတီၢ်- တၢ်ကဲထီၣ်သးအဂ့ၢ်လီၤတံၢ်လီၤဆဲး

တၢ်ကဲထီၣ်သးအကလုာ်	(တၢ်ခးလီၤတၢ်လၢကဘီယူၤ) ကီၢ်ပယီၤသုးတ့ၢ်လီၤမ့ၣ်ပိၢ်လၢကဘီယူၤ ဒီး တ့ၢ်လီၤဒြိ တူၢ်သံ (ကၤမံၤကၤစ့ၣ်) ဆူသဝီပူၤန့ၣ်လီၤ.
တၢ်ကဲထီၣ်သးမုၢ်နံၤမုၢ်သီ	လါဒံၣ်စဲဘၢၣ် ၁၂ သီ, ၂၀၂၅ နံၣ်
တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)	တၡ--- သဝီ, ဘုအါဒၢကရူၢ်, ဘုသိၣ်ကီၢ်ဆၣ်, မုၢ်တြီၢ်ကီၢ်ရ့ၣ်.

ၦၤလၢအတူၢ်ဘၣ်တၢ်အဂ့ၢ်အကျိၤ
မံၤ	သးနံၣ်	မုၣ်/ခွါ	ကလုာ်	ထီၣ်ပှၢ်/သဘျ့	တၢ်ဖံးတၢ်မၤ	တၢ်ဘူၣ်တၢ်ဘါ	တၢ်ဟံးမူဒါ/လီၢ်လၤ	အိၣ်ဆိးဒူသဝီ
စီၤၡ---	(၄၉) နံၣ်	ခွါ	ကညီ	ထီၣ်ပှၢ်	ထူစံာ်	ဘါဖီ	သဝီဖိ	တၡ--- သဝီ, ဘုအါဒၢ ကရူၢ်, ဘုသိၣ်ကီၢ်ဆၣ်, မုၢ်တြီၢ်ကီၢ်ရ့ၣ်
နီၢ်လ---	(၇၄) နံၣ်	မုၣ်	ကညီ	ထီၣ်ပှၢ်	ထူစံာ်	ဘါဖီ	သဝီဖိ	တၡ--- သဝီ
စီၤက---	(၃၈) နံၣ်	ခွါ	ကညီ	ထီၣ်ပှၢ်	ထူစံာ်	ဘါသီခါ	သဝီဖိ	တၡ--- သဝီ
နီၢ်တ---	(၃၄) နံၣ်	မုၣ်	ကညီ	ထီၣ်ပှၢ်	ထူစံာ်	ဘါသီခါ	သဝီဖိ	တၡ--- သဝီ
စီၤယ---	(၂၆) နံၣ်	ခွါ	ကညီ	ထီၣ်ပှၢ်	ထူစံာ်	ဘါသီခါ	သဝီဖိ	တၡ--- သဝီ
နီၢ်ဘ---	(၃၁) နံၣ်	မုၣ်	ကညီ	ထီၣ်ပှၢ်	ထူစံာ်	ဘါသီခါ	သဝီဖိ	တၡ--- သဝီ
နီၢ်သ---	(၂၄) နံၣ်	မုၣ်	ကညီ	ထီၣ်ပှၢ်	ထူစံာ်	ဘါသီခါ	သဝီဖိ	တၡ--- သဝီ
နီၢ်မ---	(၄၉) နံၣ်	မုၣ်	ကညီ	ထီၣ်ပှၢ်	ထူစံာ်	ဘါဖီ	သဝီဖိ	တၡ--- သဝီ
နီၢ်န---	(၆) နံၣ်	မုၣ်	ကညီ	-	-	-	သဝီဖိ	တၡ--- သဝီ
စီၤရ---	(၄) နံၣ်	ခွါ	ကညီ	-	-	-	သဝီဖိ	တၡ--- သဝီ
စီၤဂ---	(၆၄) နံၣ်	ခွါ	ကညီ	ထီၣ်ပှၢ်	ထူစံာ်	ဘါသီခါ	သဝီဖိ	တၡ--- သဝီ
စီၤဧ---	(၃၉) နံၣ်	ခွါ	ကညီ	ထီၣ်ပှၢ်	ထူစံာ်	ဘါသီခါ	သဝီဖိ	တၡ--- သဝီ

ၦၤလၢအမၤအၢပယွဲတၢ်အဂ့ၢ်အကျိၤ

ကဘီယူၤအကလုာ်

သုးဂံၢ်ထံး

အိၣ်သူၣ်လီၤသးလီၢ်ကျဲ

အခိၣ်အမံၤ

တသ့ၣ်ညါ

ကီၢ်ပယီၤသုးကလံၤသုး

တသ့ၣ်ညါ

သုးခိၣ်ဒိၣ်စ့ၤယၤထိအီၤ, ကီၢ်ပယီၤသုးကလံၤသုးအသုးခိၣ်ကျၢၢ်

(၂) တပတီၢ်- တၢ်ဂ့ၢ်တၢ်ကျိၤအကံၢ်အစီ

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

ဘၣ်ဃးဒီးတၢ်ကဲထီၣ်အသးတခါအံၤန့ၣ်, ယၤ [KHRG ပျီပူၤပှၤမၤတၢ်ဖိ] လဲၤဆူတၢ်ကဲထီၣ်သးအလီၢ် ဒီး လဲၤမၤနီၣ်မၤဃါတၢ် ဂ့ၢ်တၢ်ကျိၤလၢယနီၢ်ကစၢ်န့ၣ်လီၤ. မ့ၢ်လၢတၢ်ကဲထီၣ်အသးကိၢ်ကိၢ်လၢၤလၢၤအဃိ ယကမၤတၢ်ထံၣ်လိာ်သံကွၢ်အဂီၢ်တညီဘၣ် အဃိ ယလဲၤမၤက့ၤတၢ်ထံၣ်လိာ်သံကွၢ်လၢအသီတလါန့ၣ်လီၤ.

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

ပှၤလၢဟ့ၣ်ယၤ [KHRG ပျီပူၤပှၤမၤတၢ်ဖိ] တၢ်ဂ့ၢ်တၢ်ကျိၤသ့ၣ်တဖၣ်မ့ၢ်ဝဲပှၤတူၢ်ဘၣ်တၢ် ဒီး အဟံၣ်ဖိဃီဖိသ့ၣ်တဖၣ်န့ၣ်လီၤ. အ ဝဲသ့ၣ်ထံၣ်ထွဲတၢ်ကဲထီၣ်အသးန့ၣ်လီၤ. ဖဲတၢ်ကဲထီၣ်သးဝံၤအလီၢ်ခံ အဝဲသ့ၣ်လဲၤဆှၢစၢၤစ့ၢ်ကီးပှၤတူၢ်ဘၣ်တၢ်ဖိသ့ၣ်တဖၣ်ဆူ တၢ်ဆါဟံၣ်န့ၣ်လီၤ. [KHRG ပျီပူၤပှၤမၤတၢ်ဖိ မၤတၢ်ထံၣ်လိာ်သံကွၢ်ဒီး ပှၤတူၢ်ဘၣ်တၢ်ဖိလၢအမ့ၢ် စီၤၡ--- ဒီး နီၢ်လ--- ဒီး ပှၤ တူၢ်ဘၣ်တၢ်အဟံၣ်ဖိဃီဖိလၢအမ့ၢ် စီၤအ--- ဒီး စီၤဆ--- လၢကဒိးန့ၢ်ဘၣ်တၢ်ဂ့ၢ်တၢ်ကျိၤအဂီၢ်န့ၣ်လီၤ.]

(၃) တပတီၢ်- ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

ဖဲလါဒံၣ်စဲဘၢၣ် ၁၂ သီ, ၂၀၂၅ နံၣ်အနံၤဘၣ်ဖဲ ၁၀ နၣ်ရံၣ်အဆၢကတီၢ် ကီၢ်ပယီၤသုးကလံၤသုးလဲၤခးလီၤတၢ်လၢကဘီယူၤဖဲ တၡ--- သဝီ, ဘုအါဒၢကရူၢ်, ဘုသိၣ်ကီၢ်ဆၣ်, မုၢ်တြီၢ်ကီၢ်ရ့ၣ် အပူၤန့ၣ်လီၤ. ကဘီယူၤဒုးသုးတဘ့ၣ်တ့ၢ်လီၤဝဲ (၅၀၀) ပီၣ်မ့ၣ် ပိၢ် (၂) ဖျၢၣ် တကတီၢ်ဃီ ကီၢ်ပယီၤသုးသ့ၣ်တဖၣ်တ့ၢ်လီၤဝဲဒြိတူၢ်သံ (ကၤမံၤကၤစ့ၣ်) (၂) ဘ့ၣ်ဆူသဝီအပူၤန့ၣ်လီၤ. ဖိသၣ်တ ဂၤလၢအမံၤမ့ၢ် နီၢ်ခ--- သးနံၣ်အိၣ် (၄) နံၣ် ဒီး (၃) လါ တဂၤမ့ၣ်ပိၢ်လၢကဘီယူၤဒုးသုးတ့ၢ်လီၤအကျါတဖျၢန့ၣ် ပိၢ်ဖးထီၣ်အ က့ဖျိးဘၣ်အီၤဖဲအချၢဃံအဃိသံဝဲတထံၣ်ဃီန့ၣ်လီၤ. လၢန့ၣ်အမဲာ်ညါ သဝီဖိဘၣ်ဒိစ့ၢ်ကီး (၁၂) ဂၤန့ၣ်လီၤ.

စီၤဂ--- သးနံၣ် (၆၄) နံၣ် ဘၣ်ဒိဖဲအခိၣ်သၣ်ဃံ
စီၤဧ--- သးနံၣ် (၃၉) နံၣ် ဘၣ်ဒိဖဲအခံကိၢ်
စီၤယ--- သးနံၣ် (၂၆) နံၣ် [ဘၣ်ဒိဖဲလဲၣ်တသ့ၣ်ညါ]
နီၢ်ဘ--- သးနံၣ် (၃၁) နံၣ် [ဘၣ်ဒိဖဲလဲၣ်တသ့ၣ်ညါ]
နီၢ်န--- သးနံၣ် (၆) နံၣ် [ဘၣ်ဒိဖဲလဲၣ်တသ့ၣ်ညါ]
နီၢ်သ--- သးနံၣ် (၂၄) နံၣ် [ဘၣ်ဒိဖဲလဲၣ်တသ့ၣ်ညါ]
နီၢ်မ--- သးနံၣ် (၄၉) နံၣ် [ဘၣ်ဒိဖဲလဲၣ်တသ့ၣ်ညါ]
နီၢ်လ--- သးနံၣ် (၇၄) နံၣ် [ဘၣ်ဒိဖဲလဲၣ်တသ့ၣ်ညါ]
စီၤက--- သးနံၣ် (၃၈) နံၣ် [ဘၣ်ဒိဖဲလဲၣ်တသ့ၣ်ညါ]
စီၤရ--- သးနံၣ် (၄) နံၣ် ဘၣ်ဒိဖဲအခိၣ်သၣ်ဃံ
စီၤၡ--- သးနံၣ် (၄၉) နံၣ် [ဘၣ်ဒိဖဲလဲၣ်တသ့ၣ်ညါ] ဒီး
နီၢ်တ--- သးနံၣ် (၃၄) နံၣ် [ဘၣ်ဒိဖဲလဲၣ်တသ့ၣ်ညါ] သ့ၣ်တဖၣ်န့ၣ်လီၤ.

တၡ--- သဝီန့ၣ်မ့ၢ်သဝီဆံးကိာ်ဖိတဖျၢၣ်လၢဟံၣ်ခိၣ်အိၣ်ဒၣ်ထဲ (၂၅) ဖျၢၣ်ဃၣ်ဃၣ်န့ၣ်လီၤ. ဟံၣ်သ့ၣ်တဖၣ်န့ၣ်ဘၣ်တၢ်တ့ အီၤယိယိဖိလၢဝၣ် ဒီး ဒုးထီၣ်အခိၣ်လၢလၣ် န့ၣ်လီၤ. လၢသဝီအပူၤန့ၣ် ဟံၣ်လၢဘၣ်တၢ်တ့အီၤလၢ သ့ၣ်ဘၣ် ဒီး ဒုးထီၣ်အခိၣ် လၢထးဝါန့ၣ်တအိၣ်နီတဖၣ်ဘၣ်န့ၣ်လီၤ.

သဝီဖိသ့ၣ်တဖၣ်တဲဝဲလၢ ဖဲကီၢ်ပယီၤသုးအကဘီယူၤဟဲတ့ၢ်လီၤမ့ၣ်ပိၢ်အဆၢကတီၢ်န့ၣ် ကီၢ်သူလ့ၤအသုးတအိၣ်လၢ တၡ--- သဝီအပူၤ ဒီး တၢ်လီၢ်လၢအဘူးဒီးသဝီန့ၣ်အပူၤဘၣ် ဒီး တၢ်ဒုးတၢ်ယာ်တကဲထီၣ်စ့ၢ်ကီးအသးလၢဟီၣ်ကဝီၤအပူၤဘၣ်န့ၣ်လီၤ. တၢ်ဒုးတၢ်ယၤကဲထီၣ်ဒၣ်အသးဖဲ တိာ်လၢအအိၣ်ဖဲဖၣ်ပူၤကျဲလၢအအိၣ်သူၣ်လီၤအသးစီၤစုာ်ယံၤဒီးသဝီလၢကီၢ်ပယီၤသုးအက ဘီယူၤလဲၤခးလီၤတၢ်တဖျၢၣ်န့ၣ် န့ၣ်လီၤ. လၢတၢ်န့ၣ်အဃိ သဝီဖိသ့ၣ်တဖၣ်တသ့ၣ်ညါဝဲလၢဘၣ်မနုၤအဃိကီၢ်ပယီၤသုးသ့ၣ် တဖၣ်ဘၣ်ထီၣ်ဒုးထီဒါအဝဲသ့ၣ်တၢ်လီၢ်လဲၣ်ဘၣ်န့ၣ်လီၤ.

တၢ်ကဲထီၣ်သးအံၤဝံၤအလီၢ်ခံ သဝီဖိသ့ၣ်တဖၣ်မၤစၢၤလိာ်အသးကဒဲကဒဲ ဒီး ပှၤလၢအတဘၣ်ဒိဘၣ်သ့ၣ်တဖၣ် ယိးထီၣ်ပှၤ ဘၣ်ဒိသ့ၣ်တဖၣ်ဆူတၢ်သဒၢအလီၢ်န့ၣ်လီၤ. လၢန့ၣ်အမဲာ်ညါ သဝီဖိတနီၤလဲၤဆှၢပှၤသဝီဖိလၢအဘၣ်ဒိသ့ၣ်တဖၣ်အံၤဆူ ဆက--- တၢ်ဆါဟံၣ်လၢအအိၣ်သူၣ်လီၤအသးဖဲ နက--- သဝီ, ထံလၢၢ်ပူၤကရူၢ်, ဘုသိၣ်ကီၢ်ဆၣ် လၢအဘၣ်တၢ်တီခိၣ်ရိၣ်မဲ အီၤလၢကညီဆူၣ်ချ့မၤစၢၤဝဲၤကျိၤ (KDHW) လၢတၢ်ကူစါယါဘျါအဂီၢ်န့ၣ်လီၤ. သဝီဖိလၢအဂၤသ့ၣ်တဖၣ်သမံသမိးကွၢ်က့ၤ ဟံၣ်ဃီလၢအဟးဂီၤသ့ၣ်တဖၣ်ဒီးဃုကွၢ်လီၤတံၢ်က့ၤမ့ၢ်ပှၤဘၣ်ဒိဘၣ်ထံးအိၣ်ဘၣ်ဖုးတဂၤဂၤန့ၣ်လီၤ. ဖဲသဝီဖိသ့ၣ်တဖၣ်လဲၤ လၢတၢ်ဆါဟံၣ်အဆၢကတီၢ် အဝဲသ့ၣ်ဘၣ်လဲၤလၢခီၣ်စးထီၣ်ဖဲ တၡ--- သဝီ တုၤလီၤလၢ ၡယ--- ဃိၣ်လိာ်ကျိအနံၤ ဒီး အဝဲ သ့ၣ်ဘၣ်ဒၢးထီၣ်က့ၤချံစဲးလၢကလဲၤဆူ ဆက--- တၢ်ဆါဟံၣ်အဂီၢ်န့ၣ်လီၤ. လီၢ်ကဝီၤခိၣ်နၢ်လၢ ကညီဒီကလုာ်စၢဖှိၣ် (KNU) ဒီး KNDO တကပာ်ရဲၣ်ကျဲၤန့ၢ်ချံလၢသဝီဖိသ့ၣ်တဖၣ်အံၤအတၢ်လဲၤတၢ်က့ၤအဂီၢ်န့ၣ်လီၤ. တစိၢ်ဖိဝံၤအလီၢ်ခံ သဝီဖိတ နီၤဆဲးကျီးဒီးတဲကျၢဘၣ်ဝဲသဝီဖိလၢအဂၤသ့ၣ်တဖၣ်လၢတၢ်ကဲထီၣ်သးအဂ့ၢ်န့ၣ်လီၤ.

ကီၢ်ပယီၤသုးအကဘီယူၤဟဲတ့ၢ်လီၤတၢ်ဝံၤအလီၢ်ခံ, အဝဲသ့ၣ်ဟဲဆှၣ်တၢ်လၢကဘီယူၤဖဲ တၡ--- သဝီ န့ၣ်ကိးနံၤဒဲးန့ၣ်လီၤ. ကီၢ်ပယီၤသုးအကဘီယူၤဟဲဆှၣ်တၢ်ဖဲမုၢ်ဆါခီ, မုၢ်နၤခီ တဘျီတခီၣ်ဟဲဆှၣ်မုၢ်ဆါ ဒီး မုၢ်နၤ ခံကတီၢ်လၢၤန့ၣ်လီၤ. တုၤလါယ နူၤအါရံၤ ၂၀၂၆ အတီၢ်ပူၤလံဒၣ်လဲာ်န့ၣ်ကီၢ်ပယီၤသုးကဘီယူၤဆှၣ်ဒံးတၢ်န့ၣ်လီၤ. လၢတၢ်န့ၣ်အဃိ စးထီၣ်ဖဲ လါဒံၣ်စဲဘၢၣ် ၁၂ သီ, ၂၀၂၅ နံၣ်အနံၤ တုၤလၢ လါယနူၤအါရံၤ ၂၀၂၆ နံၣ်န့ၣ် သဝီဖိသ့ၣ်တဖၣ်ပျံၤတၢ်ဖုးတၢ် ဒီး အိၣ်ဆိးလၢသဝီပူၤတဘူၣ် လၢၤဘၣ်န့ၣ်လီၤ. သဝီဖိသ့ၣ်တဖၣ်လဲၤဃ့ၢ်အိၣ်လၢ ထံခံကွာ်စိး ဒီး တနီၤလဲၤဃ့ၢ်အိၣ်က့ၤဆူပှၢ်လၢ်ကျါလၢတၢ်ဘံၣ်တၢ်ဘၢအ ဂီၢ်န့ၣ်လီၤ. သဝီဖိတနီၤတ့ထီၣ်ပာ်ဃာ်အစံာ်ဒဲ ဒီး လဲၤပာ်ကီၤဃာ်အတၢ်အီၣ်တၢ်အီလၢတၢ်ကတီၤဆိပာ်သးအဂီၢ်တချုးဖဲလၢ တၢ်ကဲထီၣ်အသးလၢအဝဲသ့ၣ်အသဝီပူၤဒံးဘၣ်အဆၢကတီၢ်န့ၣ်လီၤ. လၢတၢ်န့ၣ်အဃိ တၢ်ကဲထီၣ်သးအံၤဝံၤအလီၢ်ခံ သဝီဖိ တနီၤလဲၤဃ့ၢ်အိၣ်က့ၤလၢအစံာ်ဒဲ ဒီး တနီၤလဲၤဃ့ၢ်အိၣ်လၢအတၢ်ဖံးအီၣ်မၤအီၣ်အလီၢ်လၢအဝဲသ့ၣ်အနီၢ်ကစၢ်တၢ်ဘံၣ်တၢ်ဘၢ အဂီၢ်န့ၣ်လီၤ.

ဖဲလါယနူၤအါရံၤ ၂၀၂၆ နံၣ်န့ၣ် တၡ--- သဝီဖိသ့ၣ်တဖၣ် က့ၤအိၣ်က့ၤလၢအဟံၣ်အဃီတဘူၣ်ဒံးဘၣ် ဒီး အဝဲသ့ၣ်ဘၣ်ကွၢ် ဆၢၣ်မဲာ်စ့ၢ်ကီးဒီး တၢ်လုၢ်အီၣ်နီၢ်ခိသးသမူအတၢ်တၤတၢ်န့ၣ်လီၤ. ဒ်န့ၣ်အသိး ကၠိသရၣ်/မုၣ် ဒီး ကၠိဖိသ့ၣ်တဖၣ်မၤလိတၢ်လၢ ကၠိပူၤဖဲသဝီပူၤန့ၣ်တဘူၣ်လၢၤဘၣ်အဃိ အဝဲသ့ၣ်ဘၣ်ထီၣ်ကၠိလၢပှၢ်ပူၤန့ၣ်လီၤ.

တၢ်ကဲထီၣ်အသးတခါအံၤဒုးအိၣ်ထီၣ်စ့ၢ်ကီးတၢ်ပျံၤတၢ်ဖုးအဒိၣ်အမုၢ်လၢပိာ်မုၣ်ပိာ်မၢၤတနီၤအဂီၢ် ဃုာ်ဒီးမိၢ်ဖိဆံးတဖၣ်အဂီၢ် န့ၣ်လီၤ. တၢ်အံၤမၤဘၣ်ဒိအဝဲသ့ၣ်နီၢ်သးအတၢ်အိၣ်ဆူၣ်အိၣ်ချ့ ဒီး တနီၤန့ၣ်မ့ၢ်လၢအလဲၤခီဖျိဘၣ်တၢ်ဒ်အံၤအဃိ အဝဲသ့ၣ်ပျံၤ တ့ၢ်တၢ် [အဒိ, ဖဲအဝဲသ့ၣ်မ့ၢ်နၢ်ဟူတၢ်ကလုၢ်လီၤဂာ်ဒီးကဘီယူၤအကလုၢ်တဘျီလၢ်လၢ်န့ၣ်အဝဲသ့ၣ်ဃ့ၢ်] န့ၣ်လီၤ.

(၄) တပတီၢ်- တၢ်ဃ့န့ၢ်အခွဲး

မ့ၢ်ၦၤလၢအတူၢ်ဘၣ်တၢ်တဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပကသူ တၢ်ဂ့ၢ်အံၤလၢကျဲဒ်လဲၣ်.

ပှၤတူၢ်ဘၣ်တၢ်ဖိဒီး အဟံၣ်ဖိဃီဖိ လၢဘၣ်တၢ်မၤတၢ်ထံၣ်လိာ်သံကွၢ်ဒီးအီၤသ့ၣ်တဖၣ် ဟ့ၣ်ပှၤ [KHRG] အခွဲးလၢပကသူတၢ်ဂ့ၢ် တၢ်ကျိၤအံၤန့ၣ်လီၤ. အဝဲသ့ၣ်ဟ့ၣ်စ့ၢ်ကီးပှၤတၢ်ပျဲလၢပကရၤလီၤတၢ်ဂ့ၢ်တၢ်ကျိၤအံၤဆူ ဘီမုၢ်စၢဖှိၣ်ကရၢ အတၢ်ကရၢကရိ သ့ၣ် တဖၣ်အအိၣ်လၢကမၤစှၤလီၤတၢ်မၤပယွဲပှၤဟီၣ်ခိၣ်ဖိခွဲးယာ်သ့ၣ်တဖၣ်အံၤအဂီၢ်န့ၣ်လီၤ.