လါယနူၤအါရံၤ ၂၅ သီ, ၂၀၂၅ နံၣ်အနံၤ, SAC ခးလီၤကျိဖးဒိၣ်ဒီးဘၣ်ဒိဝဲသဝီဖိအဟံၣ်ဖဲတၤပူၤ (လိပ်သို) ဝ့ၢ်, ဒီၣ်ဖါခိၣ် ကီၢ်ဆၣ်.

ဖဲလါယနူၤအါရံၤ ၂၅ သီ, ၂၀၂၅ နံၣ်အနံၤ, ဟါခီ ၁း၄၅ အဆၢကတီၢ်, ပှၤ(၂) ဂၤလၢတၢ်တသ့ၣ်ညါအသုးဖီၣ်စုကဝဲကရူၢ်ကရၢ အံၤဘိၣ်ဘၢဃာ်အမဲာ်သၣ်,စိာ်ဃုာ်ဒီးကျိဒီးဒိးဝဲသိလ့ၣ်ယီၣ်ဒီးခးဝဲထံကီၢ်တၢ်ပၢတၢ်ပြးကီၣ်ကးကရၢ (SAC) ပၢၤကီၢ်ဝဲၤဒၢးဖဲတၤ ပူၤ (လိပ်သို) ဝ့ၢ်, ဒီၣ်ဖါခိၣ်ကီၢ်ဆၣ်, တီအူကီၢ်ရ့ၣ် [ဝံၤဃ့ၢ်ကွံာ်ဝဲတဘျီဃီန့ၣ်လီၤ]. လၢတၢ်ခးတၢ်တဘျီအံၤ SAC ပၢၤကီၢ်တ ဘၣ်ဒိဒီးသံနီတဂၤဘၣ်န့ၣ်လီၤ.

ဖဲတၢ်ခးတၢ်အံၤဝံၤအလီၢ်ခံ SAC သုးဖိလၢအအိၣ်ဟဲလၢခီၣ်ချ့သုးရ့ၣ် (ခမရ) (နီၣ်ဂံၢ်-၆၀၃), အိၣ်ဆီလီၤအသးဖဲတၤပူၤ (လိပ်သို) ဝ့ၢ်သုးကလၢၤသ့ၣ်တဖၣ်ခးလီၤနါစိၤကျိဖးဒိၣ် (၄၀-မမ) ဒီး (၈၁-မမ) သ့ၣ်တဖၣ်ဆူဝ့ၢ်ပူၤန့ၣ်လီၤ. ကျိဖးဒိၣ် (၆) ဖျၢၣ်လီၤတဲာ်ပိၢ်ဖးထီၣ်ဖဲဝ့ၢ်ပူၤန့ၣ်လီၤ. ကျိဖးဒိၣ်အကျါတဖျၢၣ်လီၤတဲာ်ပိၢ်ဖးထီၣ်ဖဲဝ့ၢ်ပူၤဘူးဒီးစီၤဆ---အဟံၣ်ဒီးဘၣ်ဒိဝဲသဝီဖိ အဟံၣ် (၃) ဖျၢၣ်န့ၣ်လီၤ. ကျိဖးဒိၣ်အံၤပိၢ်ဖးထီၣ်ဒီးဘၣ်ဒိဝဲဟံၣ်(၃) ဖျၢၣ်အံၤအခိၣ်ဒုး, တၢ်ဒူၣ်ကပၤ, ဟံၣ်ထူၣ်ဒီးကရၢၢ်အဒူၣ် န့ၣ်လီၤ. ကျိဖးဒိၣ်အံၤဘၣ်ဒိစ့ၢ်ကီးတၢ်ပာ်ဆ့ကၤလီၢ်, သိလ့ၣ်တခိၣ်, ဒီးဝၣ်ထူၣ်လၢအအိၣ်ဖဲဟံၣ်သ့ၣ်တဖၣ်အံၤန့ၣ်လီၤ. ပှၤလၢအဟံၣ်ဘၣ်ဒိသ့ၣ်တဖၣ်န့ၣ်မ့ၢ်ဝဲနီၢ်ဒ---, နီၢ်ဲဃ---, ဒီးစီၤဆ---န့ၣ်လီၤ. လီၢ်ကဝီၤသဝီဖိသ့ၣ်တဖၣ်ပာ်ဖျါထီၣ်ဝဲလၢအဝဲ သ့ၣ်ထံၣ်ဝဲကျိဖးဒိၣ်လီၤတဲာ်ပိၢ်ဖးထီၣ်ဖဲတကွံကျီးပူၤ[KHRG တဒိးန့ၢ်ဘၣ်အါထီၣ်တၢ်ဂ့ၢ်တၢ်ကျိၤလၢမ့ၢ်တၢ်ဘၣ်ဒိဘၣ်ထံးအိၣ် ဧါန့ၣ်လီၤ]. ကျိဖးဒိၣ်အဂၤတဖျၢၣ်လီၤတဲာ်ပိၢ်ဖးထီၣ်ဖဲဖျၢၣ်ထူပျီပူၤန့ၣ်လီၤ. [ကျိဖးဒိၣ်အဂၤ (၃) ဖျၢၣ်လီၤတဲာ်ပိၢ်ဖးထီၣ်ဖဲ ဝ့ၢ်ချၢဘၣ်ဆၣ် KHRG တဒိးန့ၢ်ဘၣ်အါထီၣ်တၢ်ဂ့ၢ်တၢ်ကျိၤဘၣ်ဃးမ့ၢ်တၢ်ဘၣ်ဒိဘၣ်ထံၣ်အိၣ်စ့ၢ်ကီးဧါန့ၣ်လီၤ].

ဖဲကျိဖးဒိၣ်လီၤတဲာ်ပိၢ်ဖးထီၣ်ဘူးဒီးစီၤဆ---အဟံၣ်အဆၢကတီၢ်စီၤဆ---, နီၢ်ဒ---ဒီးနီၢ်ဃ---အဟံၣ်ဖိဃီဖိအိၣ်ဖဲဟံၣ်ပူၤန့ၣ်လီၤ. ကျိဖးဒိၣ်အံၤတဘၣ်ဒိဒီးဘၣ်သံပှၤနီတဂၤဘၣ်န့ၣ်လီၤ. ဒ်လဲၣ်ဂ့ၤဂ့ၤဟံၣ်ဖိဃီဖိခဲလၢာ်ဘၣ်ပျံၤဘၣ်ဖုးတၢ်, လီၤဆီဒၣ်တၢ်ဖိသၣ် သ့ၣ်တဖၣ်, သးပှၢ်သ့ၣ်တဖၣ်ဒီးပှၤလၢအိၣ်တဆူၣ်ဘၣ်သ့ၣ်တဖၣ်န့ၣ်လီၤ. ဖဲတၢ်ခးလီၤတၢ်အံၤဝံၤအလီၢ်ခံဟံၣ်ကစၢ်ကိးဂၤ ဒဲးလၢအဟံၣ်ဟးဂီၤသ့ၣ်တဖၣ်တဒိးန့ၢ်ဘၣ်ကျိၣ်စ့တၢ်ဆီၣ်ထွဲမၤစၢၤနီတမံၤဘၣ်န့ၣ်လီၤ.

လါဖ့ၤဘြူၤအါရံၤ ၃ သီ, ၂၀၂၅ နံၣ်, SAC ခးလီၤကျိဖးဒိၣ်ဒီးဘၣ်ဟးဂီၤဝဲကျဲမုၢ်ဖဲအ---သဝီ, တၤပူၤကရူၢ်.

ဖဲလါဖ့ၤဘြူၤအါရံၤ ၃ သီ, ၂၀၂၅ နံၣ်အနံၤ, မုၢ်နၤခီအဆၢကတီၢ် SAC သုးဖိလၢအအိၣ်ဟဲဖဲ ခမရ (နီၣ်ဂံၢ်-၆၀၃), အိၣ်ဆီလီၤ အသးဖဲတၤပူၤ (လိပ်သို) ဝ့ၢ်သ့ၣ်တဖၣ်ခးလီၤဝဲကျိဖးဒိၣ် (၆၀ မမ) (၃) ဖျၢၣ်ဆူတၤပူၤကရူၢ်, ပရှီလိာ်ကရူၢ်ဒီးဟၣ်သဲၣ်ဖိၤလံၤ ကရူၢ်, ဒီၣ်ဖါခိၣ်ကီၢ်ဆၣ်န့ၣ်လီၤ. ဖဲတၢ်တနံၤန့ၣ်ကညီဒီကလုာ်တၢ်ထူၣ်ဖျဲးသုးမုၢ်ဒိၣ် (KNLA) ဒီးလီၢ်ကဝီၤသုးဖီၣ်စုကဝဲၤသ့ၣ် တဖၣ်တထီၣ်ဒုးဝဲ SAC သုးဘၣ်ဒီးသုးတၢ်ဟူးတၢ်ဂဲၤလၢလီၢ်ကဝီၤအံၤအပူၤတအိၣ်ဘၣ်န့ၣ်လီၤ.

ကျိဖးဒိၣ်အကျါတဖျၢၣ်လီၤတဲာ်ပိၢ်ဖးထီၣ်ဝဲဖဲကျဲလၢအအိၣ်ဖဲတၢ်သွၣ်ခိၣ်ကပၤလၢအဘူးဒီးအ---သဝီ, တၤပူၤကရူၢ်ဒီးကျဲဟး ဂီၤဝဲန့ၣ်လီၤ. ကျဲအံၤပှၤသူအီၤအါမးလၢ [တၢ်လဲၤထီၣ်က့ၤလီၤဆူတၤပူၤဝ့ၢ်န့ၣ်လီၤ]. [ဒူသဝီဖိသ့ၣ်တဖၣ်ဘၣ်ပျံၤဘၣ်ဖုးဝဲဖဲအဝဲ သ့ၣ်ထံၣ်ဝဲလၢကျဲအံၤဟးဂီၤခီဖျိအဝဲသ့ၣ်တူၢ်ဘၣ်ဝဲလၢမ့ၢ်လဲၤထီၣ်က့ၤလီၤကျဲတဘိအံၤကဘၣ်ဒိဒီးကျိဖးဒိၣ်စ့ၢ်ကီးန့ၣ်လီၤ]. ကျိဖးဒိၣ်အဂၤ (၂) ဖျၢၣ်လီၤတဲာ်ပိၢ်ဖးထီၣ်ဖဲပရှီလိာ်ကရူၢ်ဒီးဟၣ်သဲၣ်ဖိၤလံၤကရူၢ်န့ၣ်လီၤ. KHRG တသ့ၣ်ညါလီၤတံၢ်ဝဲလၢ ကျိဖးဒိၣ်အံၤမ့ၢ်အလီၤတဲာ်ပိၢ်ဖးထီၣ်တၢ်လီၢ်ဖဲလဲၣ်ဒီးဒုးအိၣ်ထီၣ်တၢ်ဟးဂူာ်ဟးဂီၤမ့တမ့ၢ်ဒုးအိၣ်ထီၣ်စ့ၢ်ကီးတၢ်ဘၣ်ဒိဘၣ်ထံး ဧါဘၣ်န့ၣ်လီၤ. ဒ်လဲၣ်ဂ့ၤဂ့ၤသဝီဖိသ့ၣ်တဖၣ်ဘၣ်ယိၣ်ဝဲဒိၣ်မးလၢကျိဖးဒိၣ်အံၤကလီၤတဲာ်ပိၢ်ဖးထီၣ်လၢအဝဲသ့ၣ်အဟံၣ်ဖီခိၣ် န့ၣ်လီၤ.

လါဖ့ၤဘြူၤအါရံၤ ၆ သီ, ဒီး ၇ သီ, ၂၀၂၅ နံၣ်, SAC ကဘီယူၤခးလီၤတၢ်ဒီးခးလီၤကျိဖးဒိၣ်အဃိဒုးအိၣ်ထီၣ်ဝဲတၢ်ဟးဂူာ်ဟး ဂီၤဒီးတၢ်ဃ့ၢ်မှံဟးဖျိးဖဲသဲကလဲၤတိၢ်ကရူၢ်.

ဖဲလါယနူၤအါရံၤ ၃၁ သီ, ၂၀၂၅ နံၣ်အနံၤ, ဂီၤခီ ၉း၀၀ အဆၢကတီၢ်, သုးရ့ၣ် (နီၣ်ဂံၢ်-၄) လၢအအိၣ်ဟဲလၢကညီဒီကလုာ်ဂၢၤ သးကရၢ (KNDO) ဖဲသုးက့(နီၣ်ဂံၢ်-၂), သူဝဲမ့ၣ်ပိၢ်ထုးပျံၤဒီးထီၣ်ဒုးဝဲ SAC သုးဖိလၢအအိၣ်ဆီလီၤအသးဖဲသဲကလဲၤတိၢ်သုး ကလၢၤသ့ၣ်တဖၣ်ဖဲအဝဲသ့ၣ်လဲၤဒၢၣ်အီဝဲထံလၢအဘူးဒီးအသုးကလၢၤအဆၢကတီၢ်န့ၣ်လီၤ. SAC သုးဖိသ့ၣ်တဖၣ်အံၤအိၣ်ဟဲ ဖဲခီၣ်သုးရ့ၣ် (ခလရ) (နီၣ်ဂံၢ်-၁၄၄) န့ၣ်လီၤ. SAC သဲကလဲၤတိၢ်သုးကလၢၤအံၤအိၣ်သူၣ်လီၤအသးဖဲပ---သဝီ, သဲကလဲၤတိၢ် ကရူၢ်န့ၣ်လီၤ. [ဒ် KNLA ပှၤဘၣ်မူဘၣ်ဒါပာ်ဖျါထီၣ်ဝဲဆူ KHRG အအိၣ်လၢ] SAC သုးဖိတနီၤလၢ [တၢ်တသ့ၣ်ညါအနီၣ်ဂံၢ်] ဘၣ်သ့ၣ်တဖၣ်သံကွံာ်ဝဲလၢတၢ်ထီၣ်ဒုးအီၤတဘျီအံၤန့ၣ်လီၤ. ဖဲလါဖ့ၤဘြူၤအါရံၤ ၁ သီ, ၂၀၂၅ နံၣ်အနံၤ, ဂီၤခီ ၇း၀၀ အဆၢ ကတီၢ်, KNDO သုးရ့ၣ်(နီၣ်ဂံၢ်-၄) ခးကဒီးဝဲ SAC သုးဖိတဖၣ်ဒီးကျိစုဘျၢ (snipers) ဖဲအဝဲသ့ၣ်အိၣ်လၢသဲကလဲၤတိၢ်သုး ကလၢၤပူၤအဆၢကတီၢ်န့ၣ်လီၤ.

ဖဲလါဖ့ၤဘြူၤအါရံၤ ၄ သီ, ၂၀၂၅ နံၣ်အနံၤန့ၣ်, SAC ကဘီယူၤဒုးသုးတဘ့ၣ်ဟဲခးလီၤတၢ်ဖဲပ---သဝီၤန့ၣ်လီၤ. [ကညီဒီကလုာ် စၢဖှိၣ်ကရၢ (KNU) ပှၤဘၣ်မူဘၣ်ဒါတဖၣ်တဲဘၣ် KHRG လၢကဘီယူၤဒုးသုးအံၤအိၣ်ဟဲလၢန့ၤပၠံၤတီၤန့ၣ်လီၤ]. ကဘီယူၤ အံၤတ့ၢ်လီၤဝဲမ့ၣ်ပိၢ်တဖျၢၣ်ဖဲသဝီပူၤန့ၣ်လီၤ. ခးလီၤစ့ၢ်ကီးတၢ်ဒီးကျိစဲးလးခံဘျီန့ၣ်လီၤ. ကဘီယူၤခးလီၤတၢ်အံၤဘၣ်ဒိဝဲသဝီ ဖိအဟံၣ်တဖျၢၣ်ဒီးဘၣ်ဟးဂီၤဝဲတဖျၢၣ်န့ၣ်လီၤ. ဟံၣ်လၢအဟးဂီၤတဖျၢၣ်န့ၣ်ဟံၣ်ကစၢ်မ့ၢ်ဝဲစီၤဂ---န့ၣ်လီၤ. အါတက့ၢ်တၢ်ပီး တၢ်လီလၢအအိၣ်လၢအဟံၣ်ပူၤသ့ၣ်တဖၣ်ဟးဂီၤကွံာ်ဝဲန့ၣ်လီၤ. ထဲဃီလၢပှၤပိာ်ဆၢထၢၣ်အီၤတဘိန့ၣ်တဘၣ်ဒိဘၣ်န့ၣ်လီၤ. ဟံၣ်အဂၤတဖျၢၣ်န့ၣ်ဟံၣ်ခိၣ်ဒုး, တၢ်ဒူၣ်ကပၤ, ဟံၣ်ထူၣ်, ဒီးပဲတြီဖိသ့ၣ်တဖၣ်ဘၣ်ဒိဝဲဒီးကျိစဲးလးန့ၣ်လီၤ.

ဖဲလါဖ့ၤဘြူၤအါရံၤ ၆ သီ, ၂၀၂၅ နံၣ်အနံၤ, ဂီၤခီ ၆း၀၀ အဆၢကတီၢ်, KNDO ခးဝဲ SAC သုးဖိဒီးကျိစုဘျၢ (snipers) အသီ တဘျီဖဲ SAC သုးဖိသ့ၣ်တဖၣ်အိၣ်လၢသဲကလဲၤတိၢ်သုးကလၢၤပူၤအဆၢကတီၢ်န့ၣ်လီၤ. လၢတၢ်မၤဆၢကဒါက့ၤတၢ်အပူၤ, SAC သုးဖိလၢအအိၣ်ဟဲဖဲ ခမရ (နီၣ်ဂံၢ်-၆၀၃), အိၣ်သူၣ်လီၤအသးဖဲတၤပူၤ (လိပ်သို) ဝ့ၢ်သ့ၣ်တဖၣ်ခးလီၤဝဲကျိဖးဒိၣ်တဖျၢၣ်ဆူသဲ ကလဲၤတိၢ်ကရူၢ်ပူၤန့ၣ်လီၤ.

တနံၤဃီအတီၢ်ပူၤ SAC သုးဖိလၢအအိၣ်ဆီလီၤအသးဖဲစွ့ၤနါကလ့သုးကလၢၤလၢအအိၣ်ဖဲစွ့ၤနါကလ့သဝီ, စွ့ၤနါကလ့ကရူၢ်, ဒီၣ်ဖါခိၣ်ကီၢ်ဆၣ်သ့ၣ်တဖၣ်ခးလီၤစ့ၢ်ကီးကျိဖးဒိၣ်တဘျီဆူသဲကလဲၤတိၢ်ကရူၢ်န့ၣ်လီၤ. အဝဲသ့ၣ်အသုးရ့ၣ်ခိၣ်ကျၢၢ်အမံၤမ့ၢ်ဝဲ လ့အီၤ (လင်းအောင်) န့ၣ်လီၤ. ကျိဖးဒိၣ်တဖျၢၣ်အံၤလီၤတဲာ်ဖဲသဝီဖိအဟံၣ်ခိၣ်ဖဲပ---သဝီဘၣ်ဆၣ်တပိၢ်ဖးထီၣ်ဘၣ်န့ၣ်လီၤ. ဒ်လဲၣ်ဂ့ၤဂ့ၤဟံၣ်အံၤဘၣ်ဒိဝဲတဆံးတက့ၢ်န့ၣ်လီၤ. ဟံၣ်အံၤမ့ၢ်ဝဲစီၤဧ---အဟံၣ်န့ၣ်လီၤ. ဖဲကျိဖးဒိၣ်လီၤတဲာ်လၢအဟံၣ်ခိၣ်အ ဆၢကတီၢ်အဝဲတအိၣ်လၢဟံၣ်ဘၣ်အဃိတဘၣ်ဒိဘၣ်ထံးဘၣ်န့ၣ်လီၤ. ကျိဖးဒိၣ်လၢအလီၤတဲာ်လၢအဟံၣ်ခိၣ်အံၤအနီၣ်ဂံၢ်မ့ၢ် ဝဲ ၅၃၉/၀၂ န့ၣ်လီၤ.

ဖဲလါဖ့ၤဘြူၤအါရံၤ ၇ သီ, ၂၀၂၅ နံၣ်အနံၤန့ၣ် SAC သုးဖိတဖုလၢအအိၣ်ဟဲလၢန့ၤပၠံၤတီၤအံၤလဲၤဝဲဆူသဲကလဲၤတိၢ်သုးက လၢၤဒ်သိးကမၤစၢၤဒီးဒီသဒၢဝဲအသုးကလၢၤန့ၣ်လီၤ. ဖဲအဝဲသ့ၣ်လဲၤဝဲဆူအသုးကလၢၤအဆၢကတီၢ် KNDO သုးရ့ၣ် (နီၣ်ဂံၢ်-၄) ထီၣ်ဒုးအဝဲသ့ၣ်လၢကျဲန့ၣ်လီၤ. [တၢ်လီၢ်ဖဲသဲကလဲၤတိၢ်ကရူၢ်]. [လီၢ်ကဝီၤပှၤဘၣ်မူဘၣ်ဒါသ့ၣ်တဖၣ်တဲဘၣ် KHRG လၢ] SAC သုးဖိသံဝဲအါမးလၢတၢ်ထီၣ်ဒုးအီၤတဘျီအံၤန့ၣ်လီၤ. KNDO သုးရ့ၣ် (နီၣ်ဂံၢ်-၄) မၤန့ၢ်ဝဲကျိတခိၣ်ဒီးကျိဖးဒိၣ်ချံအါမးလၢ SAC သုးဖိအိၣ်န့ၣ်လီၤ. လၢတၢ်န့ၣ်အဃိဖဲလါဖ့ၤဘြူၤအါရံၤ ၇ သီ, ၂၀၂၅ နံၣ်အနံၤ, ဟါလီၤခီ ၄း၀၀ အဆၢကတီၢ် SAC ကဘီ ယူၤဒုးသုးတဘ့ၣ်ဟဲခးလီၤတၢ်ဒီးကျိစဲးလးဖဲသဲကလဲၤတိၢ်ကရူၢ်ဘၣ်ဆၣ်တၢ်ဘၣ်ဒိဘၣ်ထံးဒီးတၢ်သံတၢ်ပှၢ်တအိၣ်နီတမံၤဘၣ်န့ၣ်လီၤ.

ဖဲ KNDO ထီၣ်ဒုးဝဲသဲကလဲၤတိၢ်သုးကလၢၤဝံၤအလီၢ်ခံ SAC ကဘီယူၤဒုးသုးအသီတဘ့ၣ်ဟဲခးလီၤကဒီးတၢ် (၃) ဘျီဖဲသဲက လဲၤတိၢ်ကရူၢ်ဖဲလါယနူၤအါရံၤ ၃၁ သီ, တုၤလါဖ့ၤဘြူၤအါရံၤ ၇ သီ, အတီၢ်ပူၤန့ၣ်လီၤ. [ KNU လီၢ်ကဝီၤခိၣ်နၢ်သ့ၣ်တဖၣ်တဲ ဘၣ် KHRG လၢကဘီယူၤဒုးသုးအံၤအိၣ်ဟဲလၢတီအူကဘီယူၤပျီန့ၣ်လီၤ.]

သဝီဖိလၢအအိၣ်ဖဲဟ---သဝီဒီးပ---သဝီ, သဲကလဲၤတိၢ်ကရူၢ်သ့ၣ်တဖၣ်တဘၣ်ဒိဒီးဘၣ်သံဝဲနီတဂၤလၢကဘီယူၤခးလီၤတၢ် ဒီးတၢ်ခးလီၤကျိဖးဒိၣ်ဘၣ်န့ၣ်လီၤ. သဝီဖိခဲလၢာ်လၢအအိၣ်ဖဲသဝီခံဖျၢၣ်အံၤအပူၤဘၣ်ဃ့ၢ်ထီၣ်ကွံာ်ဝဲခီဖျိအဝဲသ့ၣ်ပျံၤတၢ်ဖုးတၢ် အဃိန့ၣ်လီၤ. သဝီဖိလၢသဝီအဂၤတနီၤစ့ၢ်ကီးဃ့ၢ်အိၣ်ကမှံက့ၤဝဲဆူအဝဲသ့ၣ်အတၢ်ဖံးအီၣ်မၤအီၣ်အလီၢ်ခီဖျိအဝဲသ့ၣ်ပျံၤဝဲလၢ ကဘီယူၤကဟဲခးလီၤတၢ်အသီတဘျီန့ၣ်လီၤ. [သဝီဖိတနီၤဘၣ်လဲၤဃ့ၢ်အိၣ်လၢပှၢ်ပူၤဒီးတၢ်ဖံးအီၣ်မၤအီၣ်အလီၢ်လၢအဘူးန့ၣ် လီၤ. တနီၤလဲၤဃ့ၢ်အိၣ်ဆူတၢ်လီၢ်လၢအအိၣ်ဖဲသဲကလဲတိၢ်ကရူၢ်ပူၤ, ဆူတၤပူၤ (လိပ်သို) ဝ့ၢ်, ဒီးဆူတီအူဝ့ၢ်န့ၣ်လီၤ.] တုၤလၢ လါဖ့ၤဘြူၤအါရံၤ ၂၀၂၅ နံၣ်ဒၣ်လဲၣ်အဝဲသ့ၣ်ဘၣ်ဃ့ၢ်အိၣ်ကဒုဒံးဝဲန့ၣ်လီၤ. ဖဲဟ---သဝီန့ၣ်ဟံၣ်ခိၣ်အိၣ်ဝဲ (၈၆) ဒူၣ်ဒီးဖဲပ---သဝီပူၤန့ၣ်ဟံၣ်ခိၣ်အိၣ်ဝဲ (၂၀၀) ဒူၣ်န့ၣ်လီၤ. ဒ်သဲကလဲၤတိၢ်ကရူၢ်ခိၣ်ပာ်ဖျါထီၣ်ဝဲအသိးသဝီဖိအါန့ၢ်ဒံး (၂,၀၀၀) ဃၣ်ဃၣ် ဘၣ်ဃ့ၢ်အိၣ်ကဒုဝဲန့ၣ်လီၤ.

သဝီဖိလၢအဃ့ၢ်အိၣ်ကဒုသ့ၣ်တဖၣ်အံၤတချုးလၢအဝဲသ့ၣ်ဃ့ၢ်အိၣ်ကဒုဒံးဘၣ်န့ၣ်ဖံးအီၣ်မၤအီၣ်ဝဲသယီဒီးကၣ်ဖံၣ်လၢတၢ်လုၢ်အီၣ်နီၣ်ခိသးသမူအဂီၢ်န့ၣ်လီၤ. ဆၢကတီၢ်ခဲအံၤမ့ၢ်ဝဲတၢ်ထၢဖှိၣ်ပာ်ဖှိၣ်က့ၤဝဲသယီဒီးကၣ်ဖံၣ်န့ၣ်လီၤ. သယီဒီးကၣ်ဖံၣ်န့ၣ်ဘၣ် တၢ်ထၢဖှိၣ်ပာ်ဖှိၣ်အီၤဆၢကတီၢ်ဖဲလါယနူၤအါရံၤဒီးလါမးရှးအတီၢ်ပူၤန့ၣ်လီၤ. ဒ်လဲၣ်ဂ့ၤဂ့ၤခီဖျိသုးတၢ်သဘံၣ်သဘုၣ်အဃိဒူသ ဝီဖိသ့ၣ်တဖၣ်ဖံးအီၣ်မၤအီၣ်က့ၤတၢ်လၢတၢ်သူၣ်တၢ်ဖျးအလီၢ်တသ့လၢၤဘၣ်န့ၣ်လီၤ. သဝီဖိသ့ၣ်တဖၣ်အံၤလိၣ်ဘၣ်ဝဲတၢ်ဆီၣ် ထွဲမၤစၢၤလၢတၢ်လုၢ်အီၣ်နီၣ်ခိသးသမူအဂီၢ်န့ၣ်လီၤ. လၢပှၤဃ့ၢ်မှံဟးဖျိးအကျါပၣ်ဃုာ်စ့ၢ်ကီးဒီးပှၤသးပှၢ်ဒီးပှၤဖိသၣ်သ့ၣ်တဖၣ် န့ၣ်လီၤ.

လါဖ့ၤဘြူၤအါရံၤ ၈ သီ, ၂၀၂၅ နံၣ်, SAC ခးလီၤကျိဖးဒိၣ်ဒီးသိလ့ၣ်လီၤတကျၢၢ်ဘၣ်ဝဲဟံၣ်တဖျၢၣ်ဖဲဒ့လိာ်မုၢ်နုာ်လာ်ကရူၢ်.

ဖဲလါဖ့ၤဘြူၤအါရံၤ ၈ သီ, ၂၀၂၅ နံၣ်အနံၤ, ဟါခီ ၃း၀၀ အဆၢကတီၢ်, SAC သုးသိလ့ၣ်ဖးဒိၣ် (၁၀) ခိၣ်ဟဲက့ၤဝဲလၢပယ့းနီၤ သုးကလၢၤလၢအအိၣ်ဖဲသၤတီၤကၠံဝ့ၢ်ဒ်သိးကလဲၤဆူတီအူဝ့ၢ်, ဒီၣ်ဖါခိၣ်ကီၢ်ဆၣ်န့ၣ်လီၤ. ဖဲ SAC သိလ့ၣ်ဟဲတုၤဝဲဖဲကျဲမုၢ်ဖဲသ---သဝီဒီးက---သဝီအဘၢၣ်စၢၤ, ဒ့လိာ်မုၢ်နုာ်လာ်ကရူၢ်, ဒီၣ်ဖါခိၣ်ကီၢ်ဆၣ်အဆၢကတီၢ်, KNLA သုးဒ့ (နီၣ်ဂံၢ်-၃) လၢအအိၣ်ဖဲ KNLA သုးရ့ၣ် (နီၣ်ဂံၢ်-၅) ဖဲသုးက့ (နီၣ်ဂံၢ်-၂) သ့ၣ်တဖၣ်ထီၣ်ခးဝဲ SAC သုးသိလ့ၣ်ဒီးသူဝဲမ့ၣ်ပိၢ်တဖျၢၣ်လၢပှၤထုးအီၤဒီးပျံၤ န့ၣ်လီၤ.

ဖဲဟါခီ ၃း၃၀ အဆၢကတီၢ်, SAC အသိလ့ၣ်တခိၣ်လီၤတကျၢၢ်ဘၣ်ဝဲသဝီဖိအဟံၣ်တဖျၢၣ်ဖဲသ---သဝီပူၤန့ၣ်လီၤ. ဖဲ SAC သိ လ့ၣ်လီၤတကျၢၢ်ဝဲဖဲသဝီဖိအဟံၣ်ဖီခိၣ်အဆၢကတီၢ်သ---သဝီဖိသ့ၣ်တဖၣ်တနၢ်ဟူဝဲပှၤခးကျိသီၣ်ဒီးမ့ၣ်ပိၢ်လၢပှၢ်ထုးအီၤအံၤပိၢ် ဖးထီၣ်ဘၣ်န့ၣ်လီၤ. တၢ်တနၢ်ပၢၢ်လီၤတံၢ်လၢမ့ၢ် SAC သိလ့ၣ်အံၤလီၤတကျၢၢ်လၢ KNLA ထီၣ်ခးအီၤအဃိဧါမ့တမ့ၢ်ပှၤနီသိ လ့ၣ်ကစၢ်အံၤဖဲ KNLA ခးအဝဲသ့ၣ်ဝံၤအဝဲပျံၤတၢ်ဒီးကၢၤဃာ်အသိလ့ၣ်တန့ၢ်ဘၣ်အဃိဧါန့ၣ်လီၤ. သ---လီၢ်ကဝီၤသ ဝီဖိသ့ၣ်တဖၣ်တဲဘၣ် KHRG လၢ SAC သုးဖိ (၆) ဂၤသံဝဲဒီး (၆) ဂၤန့ၣ်ဘၣ်ဒိဝဲလၢသိလ့ၣ်လီၤတကျၢၢ်အံၤအဃိန့ၣ်လီၤ. [ဖဲသိလ့ၣ်လီၤတကျၢၢ်ဝံၤအလီၢ်ခံ SAC သုးဖိတနီၤဆဲးလဲၤကဒီးဝဲဆူတီအူဝ့ၢ်ဒီးတနီၤအိၣ်တ့ၢ်ဖဲသဝီပူၤန့ၣ်လီၤ.] SAC သုးဖိ လၢအသံသ့ၣ်တဖၣ်အံၤမ့ၢ်သုးလၢအလီၤမူဒါပၣ်ဃုာ်ဒီးသုးဒ့ခိၣ် [လၢတၢ်တသ့ၣ်ညါအသုးဒ့]တဂၤန့ၣ်လီၤ.

ဟံၣ်အံၤမ့ၢ်ဝဲစီၤလ---အဟံၣ်န့ၣ်လီၤ. ခီဖျိလၢသိလ့ၣ်ဖးဒိၣ်လီၤတကျၢၢ်ဘၣ်အဟံၣ်အဃိဟံၣ်ဒီးတၢ်ဖီအီၣ်မ့ၤလီၢ်ဟးဂီၤကွံာ်ဝဲ န့ၣ်လီၤ. ဖဲတၢ်ကဲထီၣ်သးအဆၢကတီၢ်စီၤလ---အံၤတအိၣ်လၢအဟံၣ်ဘၣ်အဃိအဝဲတဘၣ်ဒိဘၣ်ထံးဝဲဘၣ်န့ၣ်လီၤ. တုၤလၢ လါဖ့ၤဘြူၤအါရံၤ ၁၁ သီ, ၂၀၂၅ နံၣ်အနံၤဒၣ်လဲၣ် SAC တဟဲဟံးထီၣ်က့ၤအသုးသိလ့ၣ်လၢအလီၤတကျၢၢ်တခိၣ်အံၤဘၣ်န့ၣ် လီၤ. ဒ်လဲၣ်ဂ့ၤဂ့ၤ SAC သုးဖိသ့ၣ်တဖၣ်ဟဲအိၣ်ဆိးဝဲဖဲသဝီဖိအဟံၣ်ဖဲသဝီပူၤဒ်သိးကဒီသဒၢဝဲအသုးသိလ့ၣ်ဖးဒိၣ်သ့ၣ်တ ဖၣ်န့ၣ်လီၤ. SAC သုးဖိတဟ့ၣ်စ့ၢ်ကီးသဝီဖိတၢ်ပျဲလၢကဒိန့ၢ်အဝဲသ့ၣ်အသုးသိလ့ၣ်အဂီၤဘၣ်န့ၣ်လီၤ. SAC သုးဖိအကျါတဂၤ လၢအအိၣ်ဖဲသဝီဖိအဟံၣ်အံၤတဲဘၣ်ဝဲလီၢ်ကဝီၤသဝီဖိလၢဟံၣ်လၢအဘၣ်ဒိဟးဂီၤန့ၣ်ဒုးယၤခိၣ်လၢအအိၣ်ဟဲလၢပယ့းနီၤဒုး ယၤသုးလၢၤအံၤကဘှီထီၣ်က့ၤဝဲန့ၣ်လီၤ. [တုၤလၢလါဖ့ၤဘြူၤအါရံၤ ၂၀၂၅ နံၣ်အလၢာ်ဒၣ်လဲၣ် SAC တဘှီထီၣ်က့ၤဝဲဟံၣ် လၢအဟးဂီၤဘၣ်န့ၣ်လီၤ.]

ဖဲ KNLA ထီၣ်ဒုးအဝဲသ့ၣ်ဝံၤအလီၢ်ခံဖဲလါဖ့ၤဘြူၤအါရံၤ ၈ သီ, ၂၀၂၅ နံၣ်အနံၤ, ဟါခီ ၈း၃၁ အဆၢကတီၢ်, SAC သုးဖိလၢ အအိၣ်ဟဲလၢပယ့းနီၤသုးကလၢၤသ့ၣ်တဖၣ်ခးလီၤဝဲကျိဖးဒိၣ် (၆) ဖျၢၣ်ဆူမ---သဝီ, န---သဝီဒီးသ---သဝီ, ဒ့လိာ်မုၢ်နုာ်လာ် ကရူၢ်န့ၣ်လီၤ. သဝီဖိသ့ၣ်တဖၣ်တဘၣ်ဒိဘၣ်ထံးဒီးဘၣ်သံလၢတၢ်ခးလီၤကျိဖးဒိၣ်အံၤနီတဂၤဘၣ်. ဘၣ်ဆၣ်အဝဲသ့ၣ်ဘၣ်ပျံၤ ဘၣ်ဖုးတၢ်န့ၣ်လီၤ.