တီအူတၢ်ကဲထီၣ်သးတၢ်ပာ်ဖျါ: ကီၢ်ပယီၤပဒိၣ်သုးအသိလ့ၣ်ထံး ဘၣ်ဒိသဝီဖိတဂၤ ဖဲဒီၣ်ဖးခိၣ်ကီၢ်ဆၣ် လါမ့ၤ ၂ဝ၁၉ နံၣ်

တၢ်ဂီၤတဘ့ၣ်အံၤဘၣ်တၢ်ဒိန့ၢ်အီၤဖဲ လါမ့ၤ ၁၂ သီႇ ၂ဝ၁၉ နံၣ် ဖဲ န===သဝီႇ ဒီၣ်ဖးခိၣ်ကီၢ်ဆၣ်ႇ တီအူကီၢ်ရ့ၣ်န့ၣ်လီၤ. တၢ်ဂီၤအံၤ ဒုးနဲၣ်ဖျါထီၣ်ဝဲ သဝီဖိစီၤတ--- လၢပယီၤသုး အသိလ့ၣ် တဲးဘၣ်အီၤဖဲအဒိးသိလ့ၣ်ယီၢ်အခါဒီး အခီၣ် ဘၣ်ဒိဝံၤအလီၢ်ခံန့ၣ်လီၤ. [Photo : KHRG]

(၁) တပတီၢ် - တၢ်ကဲထီၣ်သးအဂ့ၢ်လီၤတံၢ်လီၤဆဲး

တၢ်ကဲထီၣ်သးအကလုာ်	တၢ်ကဲထီၣ်သးအကလုာ်
ပယီၤသုးအသိလ့ၣ်တဲးဘၣ်သဝီဖိလၢကျဲမုၢ်ပူၤ	ပယီၤသုးအသိလ့ၣ်တဲးဘၣ်သဝီဖိလၢကျဲမုၢ်ပူၤ

တၢ်ကဲထီၣ်သးအကလုာ်	တၢ်ကဲထီၣ်သးမုၢ်နံၤမုၢ်သီ
ပယီၤသုးအသိလ့ၣ်တဲးဘၣ်သဝီဖိလၢကျဲမုၢ်ပူၤ	လါမ့ၤ ၁ဝ သီႇ ၂ဝ၁၉ နံၣ်

တၢ်ကဲထီၣ်သးအကလုာ်	တၢ်ကဲထီၣ်သးတၢ်လီၢ်တၢ်ကျဲ (သဝီႇ ကရူၢ်ႇ ကီၢ်ဆၣ်ႇ ကီၢ်ရ့ၣ်)
ပယီၤသုးအသိလ့ၣ်တဲးဘၣ်သဝီဖိလၢကျဲမုၢ်ပူၤ	ပၠါစခါသဝီအချၢႇ ဒီၣ်ဖးခိၣ်ကီၢ်ဆၣ်ႇ တီအူကီၢ်ရ့ၣ်

တၢ်ကဲထီၣ်သးအကလုာ်	ပယီၤသုးအသိလ့ၣ်တဲးဘၣ်သဝီဖိလၢကျဲမုၢ်ပူၤ
တၢ်ကဲထီၣ်သးမုၢ်နံၤမုၢ်သီ	လါမ့ၤ ၁ဝ သီႇ ၂ဝ၁၉ နံၣ်
တၢ်ကဲထီၣ်သးတၢ်လီၢ်တၢ်ကျဲ (သဝီႇ ကရူၢ်ႇ ကီၢ်ဆၣ်ႇ ကီၢ်ရ့ၣ်)	ပၠါစခါသဝီအချၢႇ ဒီၣ်ဖးခိၣ်ကီၢ်ဆၣ်ႇ တီအူကီၢ်ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ	မံၤ
	စီၤတ ---

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ	သးနံၣ်
	၂၆

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ	မုၣ်ခွါ
	ခွါ

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ	ကလုာ်
	ကညီ

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ	ဟံၣ်ဖိဃီဖိ အိၣ် / တအိၣ်
	အိၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ	တၢ်ဖံးတၢ်မၤ
	ထူစံာ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ	တၢ်ဘူၣ်တၢ်ဘါ
	ပှၤခရံာ်ဖိ

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ	အိၣ်ဆိးဒူသဝီ
	ဟ---သဝီ

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ
မံၤ	စီၤတ ---
သးနံၣ်	၂၆
မုၣ်ခွါ	ခွါ
ကလုာ်	ကညီ
ဟံၣ်ဖိဃီဖိ အိၣ် / တအိၣ်	အိၣ်
တၢ်ဖံးတၢ်မၤ	ထူစံာ်
တၢ်ဘူၣ်တၢ်ဘါ	ပှၤခရံာ်ဖိ
အိၣ်ဆိးဒူသဝီ	ဟ---သဝီ

ၦၤလၢအမၤအၢပယွဲတၢ်တဂၤအဂ့ၢ်အကျိၤ

ၦၤလၢအမၤအၢပယွဲတၢ်တဂၤအဂ့ၢ်အကျိၤ	မံၤ
	လီၢ်လၤ
	သုးကျိၤ / သုးရ့ၣ် / သုးတြိၤ
	အိၣ်သူၣ်လီၤသးလီၢ်ကျဲ / သုးကလၢၤ
	အခိၣ်အမံၤဒီးလီၢ်လၤ

ၦၤလၢအမၤအၢပယွဲတၢ်တဂၤအဂ့ၢ်အကျိၤ	တသ့ၣ်ညါ
	တသ့ၣ်ညါ
	တသ့ၣ်ညါ
	တသ့ၣ်ညါ
	တသ့ၣ်ညါ

ၦၤလၢအမၤအၢပယွဲတၢ်တဂၤအဂ့ၢ်အကျိၤ
မံၤ	လီၢ်လၤ	သုးကျိၤ / သုးရ့ၣ် / သုးတြိၤ	အိၣ်သူၣ်လီၤသးလီၢ်ကျဲ / သုးကလၢၤ	အခိၣ်အမံၤဒီးလီၢ်လၤ
တသ့ၣ်ညါ	တသ့ၣ်ညါ	တသ့ၣ်ညါ	တသ့ၣ်ညါ	တသ့ၣ်ညါ

(၂)ပတီၢ်တပတီၢ်-တၢ်ဂ့ၢ်တၢ်ကျိၤအကံၢ်အစီ

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

ယနၢ်ဟူတၢ်ကဲထီၣ်သးအံၤလၢသဝီဖိတဂၤအအိၣ်ဒီး ယလဲၤထံၣ်လိာ်သံကွၢ်သံဒိးၦၤတူၢ်ဘၣ်တၢ်တဂၤ အံၤန့ၣ်လီၤ.

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

ၦၤတူၢ်ဘၣ်တၢ်လဲၤခီဖျိဘၣ်တၢ်ကဲထီၣ်သးအံၤလၢအနီၢ်ကစၢ်န့ၣ်လီၤ.

(၃) ပတီၢ်တပတီၢ် - ပာ်ဖျါတၢ်ကဲထီၣ်သးအဂ့ၢ်အကျိၤလၢလၢၦဲၤၦဲၤတက့ၢ်.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢၦဲၤၦဲၤတက့ၢ်.

ဖဲလါမ့ၤ ၁ဝသီႇ ၂ဝ၁၉ နံၣ်အနံၤန့ၣ် ပယီၤသုးအသိလ့ၣ်ယဲၢ်ခိၣ်လၢ အတီၣ်ဝဲသ့ၣ်ဒီးဝၣ် ဟဲက့ၤလီၤလၢဒီၣ်ဖးခိၣ်ဒီး ချၢၣ်လာ်ဆူတီအူ လၢအတၢ်ဃ့ၢ်ချ့သဒံးအပူၤန့ၣ်လီၤ. ဖဲအဝဲသ့ၣ်ဟဲတုၤဖဲ ဆံတမံးလာ် (ဆယ့်တစ်မိုင်), ပၠါစခါသဝီချၢႇ ယွၤကၠံကရူၢ်ႇ ဒီၣ်ဖးခိၣ်ကီၢ်ဆၣ်န့ၣ် အသိလ့ၣ်လၢ အဟဲက့ၤလၢခံကတၢၢ်တခိၣ် ဂုာ်လဲၤတလၢကွံာ်သိလ့ၣ်လၢအမဲာ်ညါလွံၢ်ခိၣ်အခါ အဝဲထံးဘၣ်ဝဲသဝီဖိ စီၤတ--- လၢအဟဲက့ၤ လၢတီအူ ဒီးက့ၤဆူ ဟ---သဝီလၢ သိလ့ၣ်ယီၢ် (ဆိုင်ကယ်) တဂၤအံၤန့ၣ်လီၤ. အသိလ့ၣ်ယီၢ် လီၤဃံၢ်လၢကျဲကပၤ ဒီးဟးဂီၤဝဲန့ၣ်လီၤ. စီၤတ--- စ့ၢ်ကီး အခီၣ်လ့ၢ်ခိၣ်ဒီး အခီၣ်ဒ့ဘၣ်ဒိဝဲဒၣ်န့ၣ်လီၤ. ဟုသးခံထၢၣ်လၢအဟဲက့ၤစိာ်ဝဲလၢ အသိလ့ၣ်ယီၢ်အဖီခိၣ်စ့ၢ်ကီး သ့ၣ်ဖးဒီးလီၤဆံၣ်ဝဲလၢကျဲမုၢ်ပူၤန့ၣ်လီၤ.

ပယီၤသုးအသိလ့ၣ်အံၤ ထံးဘၣ်သဝီဖိဝံၤ တပတုာ်အသိလ့ၣ်ဘၣ်. ခီဖျိလၢစီၤတ---တဂၤအံၤ ဘၣ်ဒိဒီးဆၢထၢၣ်က့ၤဝဲတန့ၢ်လၢၤဘၣ်အဃိ အဝဲကိးကျၢလီတဲဆိဆူ အသကိးလၢအအိၣ် ဖဲပၠါစခါ သဝီတဖၣ် ဒ်သိးကဟဲဒီးမၤစၢၤအီၤအဂီၢ်န့ၣ်လီၤ. အမံးနံးသၢဆံဝံၤအလီၢ်ခံႇ ကဘၣ်ဖဲဟါခီ ၃း၃ဝ အဆၢကတီၢ်ႇ အသကိးတဖၣ်ဟဲတုၤဖဲတၢ် ကဲထီၣ်သးအလီၢ်ဒီး ဂုာ်ကျဲးစၢးထၢဖှိၣ်က့ၤဝဲ အဟုသးလၢ အလီၤဆံၣ်တဖၣ်န့ၣ်လီၤ.

ဝံၤအလီၢ်ခံ အဝဲသ့ၣ်လဲၤဆှၢ စီၤတ--- ဆူလီၢ်ကဝီၤတၢ်ဟ့ၣ်ကသံၣ်ဒၢးတဖျၢၣ် လၢကကူစါအခီၣ် အပူၤလီၢ်အဂီၢ်န့ၣ်လီၤ. အခီၣ်ပူၤလီၢ်လၢ အဘၣ်ဒိအံၤ ကသံၣ်ကရၣ် ဘၣ်ဆးတံၢ်အီၤလွံၢ်ထံၣ်ဝံၤ တဲအီၤလၢအကဘၣ်ဒိယဲၤ ဖျါ(X-Ray)န့ၣ်လီၤ. ဖဲကသံၣ်ဒၢးဝဲန့ၣ် (X-Ray)အစဲးဖီကဟၣ် တအိၣ်ဘၣ်ဒီးတၢ် လၢာ်ဘူၣ်လၢာ်စ့ၤကအါ ထီၣ်အဃိ အဝဲပာ်လီၤသးလၢ တဒိကွၢ်ဝအတၢ်ပူၤလီၢ်အံၤ လၢၤဘၣ်န့ၣ်လီၤ. လၢတၢ်န့ၣ်အဃိ အဝဲဆၢ တဲာ်လီၤအသးလၢ ကက့ၤဆူအသဝီ ဒီး ကူစါက့ၤအတၢ်ပူၤလီၢ်လၢ သ့ၣ်ဂံၢ်ဝၣ်စဲ ကသံၣ်န့ၣ်လီၤ.

စီၤတ--- အံၤကဘၣ်တီၣ်ဖျါထီၣ်တၢ်ဂ့ၢ် အံၤဆူ မတဂၤအအိၣ်လဲၣ်န့ၣ် တသ့ၣ်ညါဝဲဘၣ်ဒီး ခီဖျိလၢ ၦၤထံးဘၣ်အီၤမ့ၢ် ပယီၤ သုးအသိလ့ၣ်အဃိ အဝဲပျံၤစ့ၢ်ကီးဝဲလၢ ကဘၣ်ထီၣ်တၢ်မူးတၢ်ရၢ်န့ၣ်လီၤ. လၢတၢ်န့ၣ်အဃိ အဝဲအိၣ်ဘှီၣ်ဒၣ်ဒ်အံၤန့ၣ်လီၤ. အဝဲစံးစ့ၢ်ကီးဝဲလၢ အတၢ်ပူၤလီၢ်ကဘျါအဂီၢ် ကဘၣ် အိၣ်ခိးဝဲဆံးယံာ်လဲၣ် ဒီးတၢ်လၢာ်ဘူၣ်လၢာ်စ့ၤစ့ၢ်ကီး ကလၢာ်ဝဲ ဆံးအါလဲၣ်န့ၣ် တသ့ၣ်ညါဝဲဘၣ်အဃိ အသးဘၣ်တံာ်တာ်န့ၣ်လီၤ. လၢန့ၣ်အမဲာ်ညါ အဝဲကဘှီက့ၤဝဲ အသိလ့ၣ်ယီၢ်လၢအဟးဂီၤ တခိၣ်န့ၣ် မ့တမ့ၢ်ကပှ့ၤဝဲလၢအသီအဂီၢ် အကျိၣ်စ့စ့ၢ်ကီး တအိၣ်ဘၣ်န့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢၦဲၤၦဲၤတက့ၢ်.

(၄) ပတီၢ်တပတီၢ် - တၢ်ဃ့န့ၢ်အခွဲး

မ့ၢ်ၦၤလၢအတူၢ်ဘၣ်တၢ်ဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါႇ ဟ့ၣ်ၦၤတၢ်ခွဲး တၢ်ယာ်လၢပကသူတၢ် ဂ့ၢ်အံၤလၢကျဲဒ်လဲၣ်.

ၦၤတူၢ်ဘၣ်တၢ်အနီၢ်ကစၢ်ဟ့ၣ်အခွဲးလၢ KHRG ကသူအတၢ်ဂ့ၢ်တၢ်ကျိၤတဖၣ်အံၤန့ၣ်လီၤ.