တၢ်ပာ်ဖျါအဖုၣ်တဘ့ၣ်အံၤပာ်ဖျါဝဲ တၢ်ကဲထီၣ်သးဖဲ ထီတထူၣ်ကီၢ်ဆၣ်, တီအူကီၢ်ရ့ၣ်ပူၤ ဖဲ လါစဲးပထ့ဘၢၣ် တုၤ လါနိၣ်ဝ့ ဘၢၣ်, ၂၀၂၃နံၣ် အဘၢၣ်စၢၤ, ပၣ်ဃုာ်ဒီး တၢ်ဒွဲၣ်အူဟံၣ်ဃီ, တၢ်ခးလီၤနါစိၤကျိဖးဒိၣ် ဒီးကဘီယူၤဟဲခးလီၤတၢ်တဖၣ်န့ၣ်လီၤ. ဖဲ လါစဲးပထ့ဘၢၣ် ၂၀၂၃နံၣ်န့ၣ်, တၢ်ဖ့ၣ်ဆၢဟဲဆူၣ်ထီၣ်ဝဲဒၣ်လၢ ထံကီၢ်တၢ်ပၢတၢ်ပြးကီၣ်ကးကရၢ SAC ဒီး လီၢ်ကဝီၤပှၤဖီၣ်စုက ဝဲၤပၢၢ်ဆၢတၢ်တဖၣ်အဘၢၣ်စၢၤ ဖဲဒ့လိမုၢ်နုာ်ကရူၢ်, ထီတထူၣ်ကီၢ်ဆၣ်, ဖဲလၢ ကမျၢၢ်တၢ်ဒီသဒၢသုး (PDF) ဒီး ကညီတၢ်ထူၣ်ဖျဲး သုးမုၢ်ဒိၣ် (KNLA) မၤသံဝဲဒၣ်ပယီၤသုးအတၢ်မဲာ်ချံလၢတၢ်ဟဲဆှၢအီၤလၢလီၢ်ကဝီၤအံၤအပူၤအခါန့ၣ်လီၤ. ဖဲတၢ်မၤသံအီၤဝံၤအ လီၢ်ခံ, SAC သုးဒွဲၣ်အူဝဲ သဝီဖိတဖၣ်အဟံၣ်အစှၤကတၢၢ်၂၇ဖျၢၣ် လၢသဝီယဲၢ်ဖျၢၣ်အပူၤ, ခးလီၤနါ စိၤကျိဖးဒိၣ်ဆူသဝီတဖၣ် အပူၤ, ဒီးဟဲခးလီၤတၢ်လၢကဘီယူၤ, ဒီးဘၣ်ဒိဘၣ်ထံးဝဲဒၣ်သဝီဖိ ၃ဂၤ န့ၣ်လီၤ. တၢ်ခးလီၤကျိဖးဒိၣ် အဃိဘၣ်ဒိဝဲသဝီဖိတဂၤ, သဝီဖိဟံၣ်ဟးဂီၤဝဲဒၣ် ၅ဖျၢၣ်, ဒီးကျးဟးဂီၤဝဲဒၣ်တဖျၢၣ်, တကးဒံးဘၣ် တၢ်သူၣ်တၢ်ဖျးဟးဂီၤ ဒီး ကျီၢ်သံဝဲဒၣ်တဒုန့ၣ်လီၤ. ကဘီယူၤဟဲခးလီၤတၢ်အဃိ သဝီဖိဘၣ်ဒိ ၂ဂၤ, ဒီး သဝီဖိအဟံၣ်ဟးဂီၤဝဲဒၣ်တဖျၢၣ်န့ၣ်လီၤ.